14-ը չբոլորած հետամնաց աղջկան բռնաբարել են - 21 Июля 2013 - :)
Հետաքրքիր Փաստեր Четверг, 08.12.2016, 23:07
Приветствую Вас Гость | RSS
Меню сайта

Հետաքրքիր Փաստեր

«Եվրո-2012»-ի ամենահետաքրքիր սանրվածքները (լուսանկարներ)

Ի՞նչ է իրականում ցանկանում տղամարդն անկողնում

Գաղտնիքներ պահելը ֆիզիկապես ծանր է

Ի՞նչ է անհրաժեշտ երիտասարդ մնալու համար

Թեթև ապրելու 10 գրավական

Կնոջ սեքսուալության սահմանները

Երբ հանգցնում եք ննջասենյակի լույսը

Հղիացած Ջեսիկա Սիմփսոնը մերկացել է /լուսանկար/

Անքնությունը դանդաղեցնում է նյութափոխանակությունը և նպաստում գիրացմանը

Սեքսի տեւողությունը երբեմն խոչընդոտ է դառնում

[Անիմացիա]
Բոլոր քրիստոնյաները Սեղմեն Класс

Հաճելին` օգտակարի հետ

Արքայադուստրը փորձել է փախչել հյուրանոցից` առանց վճարելու

Բեյոնսեի դուստրը պատվավոր քաղաքացու կոչման է արժանացել

Պամելա Անդերսոնը աճուրդի է հանում իր կրծքերը

[Անիմացիա]
Սեղմիր Класс

Երբ կինը “խաղի մեջ է”, նրան այլեւս ետ չես պահի

Չինացի միլիարդատերը կույս հարսնացուի համար պատրաստ է 800 հազ դոլար ծախսել

Դերասանուհին ամուսնացել է կնոջ հետ

Поиск

Главная » 2013 » Հուլիս » 21 » 14-ը չբոլորած հետամնաց աղջկան բռնաբարել են
07:59
14-ը չբոլորած հետամնաց աղջկան բռնաբարել են

«Համ մարդ ունի, համ` սիրած, համ էլ պադեզդում բռնաբարել էին». եթե այսպիսի կանանց նախանձում են անհույս կույսերը, ապա Անուշավանին գուցե նախանձեին անասնական` ընդգծված հակումներ ունեցող տղամարդիկ, որովհետև նա «համ կնիկ ուներ, համ` սիրած, համ էլ` մտավոր հետամնաց անչափահաս»:

Դատական պրակտիկայում կարծես շատացել են մտավոր հետամնացներին բռնաբարելու, նրանց հետ պոռնո-դրվագներով զվարճանալու դեպքերը: Դա նշանակում է, որ հասարակությունը բարոյականության որոշակի անկում է ապրել: Մտավոր հետամնացների նկատմամբ` տղամարդկանց հետաքրքրությունը բացատրվում է նրանով, որ իրենք են իրավիճակի տերը և իրենց կրքերին հագուրդ են տալիս իրենց ուզած ձևով ու չափով` առանց հաշվի նստելու դիմացինի արժանապատվության հետ: Այդ տեսակի տղամարդկանց համար կարևորը ոչ թե կնոջ հետ ներդաշնակ, խորքային հարաբերություններն են, զգացմունքայնությունը, այլ կնոջ` օգտագործվելիք կաղապարը: Եվ կապ չունի` աղջիկը սակավամի՞տ է, թե՞ լրիվ անմեղսունակ:

Տավուշի Կողբ գյուղի բնակիչ 25-ամյա Անուշավան Մաճկալյանը ամուսնացած էր, նույնիսկ երկու անչափահաս երեխա ուներ, բայց հարևան գյուղերից մեկում էլ` սիրած ուներ, անունը` Կատուշ (անունը փոխված է): Կատուշի հետ մեկուկես տարի ընկերություն էր արել, նույնիսկ` նրա ընտանիքի հետ բարեկամական հարաբերություններ հաստատել: Գիտեր, որ Կատուշը իրենից փոքր երկու քույր և մեկ եղբայր ունի, բայց Անուշավանին էլ էին Կատուշի տանն ընդունել որպես ընտանիքի զավակ: և ահա այդ ընտանիքի զավակը երբ մի օր այցի էր եկել ընկերուհու տուն, Կատուշի մորից հարցրել էր նրա երկրորդ դստեր` չափավոր հետամնաց Օլիչկայի տարիքը: Մայրն էլ, առանց հասկանալու Անուշավանի վանող և ստորագույն մտքերը, պատասխանել էր` 12:

Մեկուկես տարի ընկերությունից հետո, Անուշավանը մոտ 6 ամիս անցել էր ընդհատակ. ոչ զանգել էր Կատուշին, ոչ էլ այցի եկել: Երևի արդեն ձանձրացել էր նրանից: Սակայն հայտնվել էր 2012-ի օգոստոսի 30-ին` թևի տակ մի շիշ տնական քաշած օղի: Նստել էին, հաց էին կերել, խմել Կատուշի հոր հետ: Հետո, երբ սիգարետը վերջացել էր` Անուշավանը միտումնավոր կամ միամիտ հարմար էր գտել` սիգարետը ոչ թե Կատուշենց գյուղի խանութից գնել, այլ իրենց գյուղի տաքսիստից ուզել, ով կբերեր մինչև ասֆալտապատ ճանապարհ, այնտեղ էլ ինքը կդիմավորեր: Այն Կատուշենց տնից հեռու է եղել մոտ 1 կիլոմետր: Արդեն գիշերվա ժամը 21.30-ի սահմաններում, երբ Անուշավանը պատրաստվել է` գնալ իրեն ծանոթ տաքսու վարորդին դիմավորելու, խնդրել է, որ Կատուշենց ընտանիքից որևէ մեկը գնա իր հետ, որպեսզի մենակ չլինի: Ոչ ոք չի ցանկացել ուղեկցել, բայց 12-ամյա Օլիչկան համաձայնել է:

Դուրս են եկել միասին ու գնացել ծխախոտը բերելու: Տանից 200 մետր անցնելուց հետո Անուշավանը Օլիչկային պառկեցրել է ծառերի տակ` խոտերի վրա: Հետո ինչպես աղջիկն է պատմել, Անուշավանն այդտեղ իջեցրել է իր անդրավարտիքը և վարտիքը: Ինքը նրան ասել է` «մի արա, պետք չի», գոռացել է ու ձեռքերով հարվածել նրա դեմքին ու կրծքավանդակին, սակայն Անուշավանն իրեն ասել է` «խելոք մնա» և սեռական հարաբերություն է ունեցել իր հետ: Այդ ժամանակ եկել է քույրը` Կատուշը, որը Անուշավանին մի կողմ է տարել, ապտակներ հասցրել նրան, որից հետո իրենք երեքով գնացել են իրենց տուն, ապա` բաժանվել: Տուժողը նաև հայտնել է, որ Անուշավանի հետ սեռական հարաբերություն ունենալու ժամանակ ինքը սուր ցավ է զգացել, իսկ երբ գնացել է տուն` հասկացել են, որ ինքը կուսազրկված է (ինչը հետագայում հաստատվել է նաև փորձագիտական եզրակացությամբ): Դա տեսնելով` մայրը և քույրը զանգահարել են ոստիկանություն և հայտնել կատարվածի մասին:

Բայց 14 տարին չլրացած անձին բռնաբարելու մեջ մեղադրվող Անուշավանը չի ընդունել մեղադրանքը, դատարանում ցուցմունք չի տվել, բայց նախաքննության ընթացքում այսպես է ներկայացրել իրավիճակը: Մեղավորը իրեն սեռական հարաբերության «դրդած» անչափահասն է: Անուշավանը ցուցմունքում գրել է, որ մոտ 200 մետր գնալուց հետո իրենք նստել են ճանապարհի ձախ կողմում գտնվող ծառերի տակ ու Օլիչկային ասել է` ավտոմեքենայի լույս տեսնելու դեպքում տեղեկացնել իրեն, որպեսզի գնա ու ծխախոտը վերցնի: Դրանից հետո Օլիչկան նստել է իր կողքին և սկսել շոշափել իր պարանոցը, ոտքերը, ինքը նրան ասել է` չի կարելի, սակայն նա շարունակել է: Այնուհետև Օլիչկան իջեցրել է իր անդրավարտիքն ու վարտիքը, որից հետո ինքը նստած տեղից կանգնել է, իսկ Օլիչկան մոտենալով իրեն, շարունակել է շոշափել սեռական օրգանը և ցանկացել իջեցնել իր անդրավարտիքը: Օլիչկան ցանկացել է արձակել իր անդրավարտիքի գոտին, որից հետո ինքը տեսնելով, որ նա չի կարողանում արձակել իր անդրավարտիքի կոճակները, ինքն է արձակել դրանք: Աղջիկը մեջքով պառկել է գետնին ու իրեն կանչել, ինքը մոտեցել է նրան և ցանկացել սեռական հարաբերություն ունենալ: Անուշավանը նշել է, որ ինքը կոնկրետ չի հիշում, թե ինքն ի վերջո սեռական ակտն իրականացրել է, թե ոչ, սակայն հիշում է, որ Օլիչկան ասել է` «լավ է», ու դիմադրություն ցույց չի տվել: Մի քանի վայրկյան հետո գիտակցելով, թե ինչ է անում` հետ է քաշվել: Այդ պահին ինչ-որ մեկը ձեռքով հարվածել է իր ծոծրակի շրջանում ու հետ շրջվելով ինքը տեսել է, որ հարվածողն Օլիչկայի մեծ քույրը` Կատուշն է, որը սկսել է գոռգոռալ ու մի քանի անգամ էլ ապտակել է իր դեմքին: Կատուշը մի քանի անգամ էլ ապտակել է իր քրոջը:

Տուժողի մայրը դատարանում հայտնել է, որ «Օլիչկան դպրոց չի գնում, քանի որ չի կարողանում սովորել: Գրել, կարդալ չգիտի, տառապում է չափավոր մտավոր հետամնացություն հիվանդությամբ, ինչը այս դեպքից հետո ավելի է սրացել: Ամբաստանյալը ավելի քան մեկ տարի շփվում էր մեր ընտանիքի հետ, հարազատի պես էի ընդունում, մտքովս չէր անցնում, որ այդպիսի արարք թույլ կտա հիվանդ երեխայիս նկատմամբ»: Դատահոգեբուժական և դատահոգեբանական փորձաքննությամբ պարզվել է, որ Օլիչկան տառապում է «...չափավոր աստիճանի մտավոր հետամնացությամբ», որ կողմնորոշումը ժամանակի մեջ թերի է, իրավիճակում ընդհանրապես չի կողմնորոշվում, որ նշված սակավամտությունն արտահայտված չէ այն աստիճան, որ լիովին զրկեր նրան քրեական գործի համար նշանակություն ունեցող հանգամանքները ճիշտ ընկալելու և ճշմարիտ ցուցմունքներ տալու հնարավորությունից: Օլիչկային բնորոշ են հոգեկան զարգացման հապաղում, դյուրահավատություն, ներշնչվողականություն, միջանձնային հարաբերություններում ճիշտ կողմնորոշվելու և գնահատելու դժվարություններ: Առկա է որոշ մանկավարժական բարձիթողություն... Օլիչկան հիմնականում հասկացել է իր նկատմամբ կատարվող գործողությունների արտաքին կողմը (ժամանակը, վայրը, հանցագործի արտաքինը, գործողությունների հաջորդականությունը և այլն), սակայն չի գիտակցել նշված իրադրության ներքին, սոցիալ-բարոյական բովանդակությունը...վ:

Ի Վերջո, Տավուշի մարզի առաջին ատյանի դատարանը հաստատված է համարել Անուշավանի մեղադրանքը և նրան դատապարտել 8 տարի 9 ամիս ազատազրկման` ներառելով նաև նախորդ դատավճռով նշանակված պատժի չկրած մասը` 3 ամիսը:

Ամբաստանյալ Ա. Մաճկալյանը բողոք է բերել քրեական վերաքննիչ դատարան. պահանջել է` հանրային պաշտպան տրամադրեն իրեն և արդարացնեն:

Հ. Գ. Մի հարցնող լինի` Անուշավան, բա ծառերի տակ փուչիկ էի՞ր պայթեցնում:

 1in.am

Просмотров: 470 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ

Copyright MyCorp © 2016