Իսրայելի Ամուկ քաղաքում գտնվող ռաբբի Յոնաթան բեն Ուզիելի գերեզման այցելող ուխտագնացների թիվը ամեն տարի աճում է: Վերջին շաբաթվա ընթացքում շուրջ 25 հազար չամուսնացած տղաներ և աղջիկներ այցելել են ռաբբիի գերեզման և թողել իրենց ներքնազգեստը. գոյություն ունի համոզմունք, որ դա օգնում է գտնել կողակից, իսկ բազմաթիվ հրեա  կրոնավորներ ուղղակի համոզված են դրանում:

Ռաբբի Յոնաթան բեն Ուզիելը ապրել է Երկրորդ Տաճարի ոչնչացումից տասնյակ տարիներ առաջ: Հենց նա է Մարգարեների Գիրքը թարգմանել արամեերեն:

Թե ի՞նչու են կյանքի ընկեր «խնդրում» հենց նրանից, հայտնի չէ: Վարկածներից մեկի համաձայն, ռաբբին ամուսնացած չէր և երեխաներ չուներ, սակայն հաճախ աղոթում էր ուրիշների համար, որպեսզի նրանք հանդիպեն իրենց կյանքի կեսերին:

Գերեզմանի հսկիչները խնդրել են կանանց ռաբբիի գերեզմանի վրա թողնել զգեստապահարանի այլ պարագաներ: Սակայն ներքնազգեստը դեռևս գերակշռում է: