Մենք՝ հայերս, ավանդական ժողովուրդ ենք բառի բոլոր իմաստներով։ Եւ մեր ամենահարգված ավանդույթներից մեկը՝ «կարմիր խնձորի» ավանդույթը, ժամանակին մեծ աղմուկ է հանել։ Գինեկոլոգները պլաստիկ վիրաբույժի եւ կարողի միջեւ, նույնիսկ, նոր՝ սահմանային մասնագիտացում են ձեռք բերել։ Կուսաթաղանթը վերականգնելու երեւույթը քննարկում ու քննադատում են գրեթե բոլորը, սակայն գրեթե յուրաքանչյուր 10-րդը գնում է դրան։

Ինչպես է իրավիճակն այսօր, NEWS.am STYLE-ի թղթակցին պատմեց բժիշկ-գինեկոլոգ Արփինե Թովմասյանը. «Փառք Աստծո, վերջին ժամանակներում նման «պատվերները» գնալով պակասում են։ Հավանաբար, մարդիկ այնուամենայնիվ հասկացել են, որ աղջկա մաքրությունը միայն կույս լինելը չէ, այլ նաեւ՝ ազնվությունը։ Համաձայնեք, որ աբսուրդ է անարատությունը խաբեությամբ ստանալն ու դրանով հպարտանալը։ Եթե անկեղծ՝ կուսությունը վերականգնել ցանկացող հաճախորդներն առաջ էլ Երեւանից ավելի քիչ էին։ Ավելի շատ դիմում էին մարզերից։ Այնտեղ «կարմիր խնձորի» հարցը շատ ավելի խիստ է։