Առաջին սեռական փորձի ժամանակ զգացածը հետք է թողնում հետագա ողջ կյանքի վրա։ Վեստի.ռու-ն, վկայակոչելով The Atlantic-ին, փոխանցում է, որ ԱՄՆ-ի գիտնականները եկել են եզրահանգման, որ ինտիմ մտերմության փորձն անպայման հետք է թողնում ոչ միայն հետագա սեռական կյանքի, այլ նաեւ մնացած բոլոր ոլորտների վրա։

Սոցիոլոգները հարցում են անցկացրել 206 կանաց եւ 113 տղամարդկանց շրջանում եւ պարզել են, որ առաջին սեռական հարաբերության հաջող փորձ ունեցած մարդիկ հետագայում սեքսից ավելի շատ հաճույք են ստացել եւ ավելի քիչ են տառապել այսպես կոչված «սեռական ընկճախտից», քան նրանք, ում փորձն այնքան էլ հաճելի չի եղել։

Սակայն մասնագետները չեն բացառում, որ ոմանք ժամանակի ընթացքում սկսում են սեռական մտերմությունից ավելի ու ավելի շատ հաճույք ստանալ։ Հետազոտողները նաեւ ընդունում են, որ հարցման մասնակիցները շատ երիտասարդ են եղել, այդ պատճառով էլ սեռական կյանքում առանձնապես բուռն արկածներ չեն ունեցել։ Այնպես որ, մի հուսահատվեք, եթե ձեր առաջին փորձն այնքան էլ հաջող չի եղել, ամեն ինչ դեռ հնարաոր է ուղղել, կարծում են սոցիոլոգները։

NEWS.am STYLE