Լիպեցկ քաղաքիկենդանաբանական այգում արտասովոր "բնակիչ”  է հայտնվել` ավտոմեքենա, որին տեղադրել են վանդակի մեջ: Թե որքան ժամանակ մեքենան կմնա վանդակի մեջ, հայտնի չէ:

"Իրականում դա սովորական ավտոմեքենա է, իսկ կենդանաբանական այգու վանդակում այն հայտնվել է ավտոճանապարհային երթեւեկության անվտանգությունը բարձրացնելու միջազգային ծրագրի շրջանակներում”,-հայտնել էկենդանաբանական այգու  ղեկավարության ներկայացուցիչը:

Նախագծի հեղինակները պարզաբանել են, որ մեքենան վանդակի մեջ կոչված է գրավելու բոլոր ավտոսիրողների ուշադրությունը, այսինքն` նայելով նրան` նրանք պետք է հիշեն ճանապարհային երթեւեկության անվտանգության մասին:

"Ճանապարհային երթեւեկության անվտանգությունը 10 երկրներում” ծրագիրն իրականացվում է առողջապահության համաշխարհային կազմակերպության աջակցությամբ: Լիպեցկում այն մեկնարկել է 2010-ին եւ այս ընթացքում արագության հետ կապված խախտումները տարածաշրջանում նվազել են 20 տոկոսով:

henaran.am