19-ամյա Ի.Ա.-ն «odnoklassniki.ru» կայքի օգտատերերի լուսանկարներն իր անձնական էջում վերբեռնելուց հետո նրանց սպառնացել է նկարները մոնտաժել եւ պոռնկագրական բնույթի դարձնելով տարածել, եթե իր հեռախոսահամարը չլիցքավորեն: Արարատի եւ Վայոց ձորի մարզի ընդհանուր իրվասության դատարանիցNEWS.am-ը տեղեկացավ, որ սույն գործը քննվելու է իրենց մոտ:

Գործի նյութերով, 19-ամյա Ի. Ա.-ն 2012թ մարտին, գումար շորթելու նպատակով «odnoklassniki.ru» սոցիալական ցանցում «Բուբու Կուկու» պայմանական անվամբ գրանցված անվանական էջից մուտք է գործել Տավուշի մարզի Արծվաբերդ գյուղի բնակչուհի Ա.Ա-ի` նույն սոցիալական ցանցում գտնվող անձնական էջ, նրա 5 լուսանկարները վերբեռնել եւ տեղադրել է իր անձնական էջում: Դրանից հետո վերջինիս հաղորդագրություն է ուղարկել եւ նրա մասին արատավորող տեղեկություններ տարածելու, մասնավորապես նկարները մոնտաժելու, պոռնկագրական բնույթի դարձնելու եւ համացանցում տարածելու սպառնալիքով Ա.Ա-ից պահանջել է 1 հատ 1000 դրամ արժողության բջջային հեռախոսի հաշվեկշռի լիցքավորման քարտ:

Բացի այդ 2012թ մայիսի սկզբին, չպարզված օրը, դարձյալ գումար շորթելու դիտավորությամբ, նույն սոցիալական ցանցի իր անձնական էջից մուտք է գործել Երեւանի բնակչուհի Գ. Մ.-ի անձնական էջ, վերջինիս դստեր Ս. Մ.-ի թվով 6 լուսանկարները տեղադրել իր անձնական էջում եւ հաղորդագրություն է ուղարկել Գ.Մ-ին` նկարները մոնտաժելու պոռնկագրական բնույթի դարձնելու եւ համացանցում տարածելու սպառնալիքով նրանից պահանջել ու ստացել է 20 հատ 1000 դրամ արժողության բջջային հեռախոսի հաշվեկշռի լիցքավորման քարտ: Քրեկան գործ է հարուցվել 182 հոդվածի 1-ին մասով` շորթումը` անձի կամ նրա մերձավորի մասին արատավորող կամ անձի կամ նրա մերձավորի իրավունքներին ու օրինական շահերին էական վնաս պատճառող տեղեկություններ հրապարակելու, ինչպես նաեւ անձի կամ նրա մերձավորի նկատմամբ բռնություն գործադրելու սպառնալիքով կամ անձի, նրա մերձավորի գույքը կամ այլ անձանց տնօրինության կամ պահպանության տակ գտնվող գույքը ոչնչացնելու (վնասելու) սպառնալիքով ուրիշի գույքը կամ գույքի նկատմամբ իրավունքը հանձնելու կամ գույքային բնույթի այլ գործողություններ կատարելու պահանջը: Սույն հոդվածը պատժվում է տուգանքով՝ նվազագույն աշխատավարձի 400-ապատիկից 800-ապատիկի չափով, կամ կալանքով` առավելագույնը 3 ամիս ժամկետով, կամ ազատազրկմամբ` առավելագույնը 4 տարի ժամկետով:

Գործը դատարան է ստացվել նոյեմբերի 14-ին առաջիկայում կնշանկվի դաական քննության օրը: Խափանմա միջոց ընտրվել է ստորագրությամբ չհեռանալը: