21-ամյա Վիտալի Մ.-ն Գյումրիի «Մայր Հայաստան» հուշահամալիրի մոտ մեքենայի մեջ անչափահասի կամքով սեռական հարաբերություն է  ունեցել նրա հետ: Շիրակի մարզի ընդհանուր իրավասության դատարանից  NEWS.am-ը տեղեկացավ, որ սույն գործը քննվելու է իրենց մոտ:

21-ամյա  Վիտալի Մ-ին մեղադրանք է առաջադրվել այն բանի համար, որ Գյումրիի «Մայր Հայաստան» հուշահամալիրի մոտ «Վազ 2109» մակնիշի ավտոմեքենայի մեջ սեռական հարաբերություն է ունեցել 15-ամյա Օ.Ս.-ի հետ՝ վերջինիս կամքով եւ համաձայնությամբ:

Այդուհանդերձ, քրեական գործ է հարուցվել ՀՀ քրեական օրենսգրքի 141 հոդվածով (18 տարին լրացած անձի կողմից սեռական հարաբերությունը կամ սեքսուալ բնույթի այլ գործողություններ կատարելն ակնհայտ 16 տարին չլրացած անձի հետ): Սույն հոդվածը պատժվում է տուգանքով՝ նվազագույն աշխատավարձի 100-200-պատիկի չափով, կամ ազատազրկմամբ` առավելագույնը 2 տարի ժամկետով:

Խափանման միջոց է ընտրվել չհեռանալու մասին ստորագրությունը: Գործը վարույթ է ընդունվել հունիսի 21-ին: Առաջիկայում կնշանակվի դատական քննության օրը: