Արդեն մի քանի ամիս շրջանառվող լուրերը, որ 14 տարվա համատեղ կյանքից հետո դերասաններ Վանեսա Պարադին ու Ջոնի Դեպը վերջնականապես բաժանվում են, հաստատվել է: 2 երեխաների մեծացնող զույգը, ըստ նրանց մտերիմների, բաժանվել է խաղաղությամբ. նրանք կշարունակեն լավ ընկերներ մնալ:

Ընդ որում ընդամենը մի քանի ամիս առաջ Ջոնի Դեպը խիստ զայրացել էր իրենց բաժանման մասին լուրերի պատճառով. «Մենք չենք բաժանվել ու չենք բաժանվի: Չեք լսի նման լուրեր: Մեր բաժանման մասին լուրերը սուտ են սկզբից մինչև վերջ: Դրանում ոչ մի ճիշտ խոսք չկա»: Իսկ Վանեսան էլ պահանջում էր դադարեցնել ստահոդ լուրերը, քանի որ դրանք ազդում են իրենց ու իրենց երեխաների վրա:

Նշենք, որ Դեպն ու Պարադին առաջին անգամ հանդիպել են 1994թ-ին, երբ դերասանը դեռ հանդիպում էր մոդել Քեյթ Մոսի հետ,իսկ արդեն երկորդ հանիպման ժամանակ`1998թ-ին Մոսի հետ հարաբերություններն արդեն այն չէին: Արդյունքում Դեպի ու Վանեսայի միջև շատ արագ սկսեց սիրավեպ զարգանալ,որ լրատվամիջոցները համարում են այդ թվերի ամենագեղեցիկ սիրո պատմություններից մեկը:

 zham.am