Բրազիլիայի հարավային Սանտա-Մարիա քաղաքի գիշերային ակումբներից մեկում ծագած հրդեհի հետևանքով 90 մարդ է մահացել: Տեղի իշխանությունների տվյալներով` ևս 200 մարդ ծանր վիրավոր է:

Շուրջ 2000 մարդ էր եկել ակումբ` ներկա գտնվելու ծրագրված համերգին: Շոուի ընթացքում հրդեհ է ծագել, ինչի հետևանքով այրվել է առաստաղի ձայնամեկուսիչ շերտը: Այնուհետ մարդկանց շրջանում խուճապ է սկսվել. վերջինները թունավորվել են խիտ ծխից: Ինչպես հայտնում է տեղի ոստիկանությունը, մահացածներից ոմանց դիերը դեռևս գտնվում են ակումբի փլատակների տակ: