Հետաքրքիր Փաստեր Пятница, 26.04.2024, 05:34
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Հյուսթոն ընտանիքի անդամները կցուցադրեն իրենց կյանքը` մեծ կորստից հետո

Ամերիկուհուն հեռացրել են աշխատանքից մեծ կրծքերի պատճառով

Մայրական կաթը մանկանը պաշտպանում է ՄԻԱՎ-ից

Չինացի միլիարդատերը կույս հարսնացուի համար պատրաստ է 800 հազ դոլար ծախսել

Երեւանում 16-ամյա աղջիկը մետաղյա ձողով հարվածել է վաճառողի գլխին

Աննա Զավալսկայան համբուրվել է անծանոթուհու հետ

Լիոնել Մեսսի .Կենսագրություն

Լավագույն քաղաքը տղամարդկանց համար

Սոցկայքերում շփվելն ավելի լավ է, քան սե՞քսը

Ուսուցիչն արտասովոր լուծում է գտել երեխաների առաջադիմությունը բարձրացնելու համար

Ինյեստայի և Աննա Օրտիսի հարսանիքը (ֆոտո)

Չինաստանում 6.2 կգ-անոց երեխա է ծնվել

Թուրքիա. Նոբելյան ապագա մրցանակակիրը բանտո՞ւմ

Սեղմիր Класс

Պոռնո դիտած 12-ամյա տղան ամիսներ շարունակ բռնաբարել է 9 -ամյա հարևանուհուն

Սիրուհու հետ սեքսով զբաղվելիս մահն ավելի հավանական է, քան կնոջ հետ. հետազոտություն

Ջեքսոնի կոստյումները շուրջերկրյա ճամփորդության “կմեկնեն”

Ամենաազդեցիկ հայտնի մարդիկ. Լոպեսն առաջինն է, Քարդաշյանը` 7-րդը

Ինչո՞ւ են դավաճանում կանայք

Поиск
Главная » 2013 » Մայիսի » 19 » Իրանցի Ղորբանին կարծել էր, թե Երևանյան լճի մոտից մարմնավաճառի հետ է մեքենա նստել, ու ենթարկվել էր կողոպուտի
18:32
Իրանցի Ղորբանին կարծել էր, թե Երևանյան լճի մոտից մարմնավաճառի հետ է մեքենա նստել, ու ենթարկվել էր կողոպուտի

Վերաքննիչ քրեական դատարանում ավարտվել է Վիրաբ Ղազարյանի գործով մեղադրանքի կողմի բերած վերաքննիչ բողոքի քննությունը:

Մի քանի օր հետո լրանալու էր Վիրաբ Ղազարյանի նկատմամբ Շենգավիթ վարչական շրջանի ընդհանուր իրավասության դատարանի կողմից դատավճռի կայացման վեց ամիսը՝ այն ժամկետը, երբ կարելի է նյութական իրավունքի խախտման փաստով վերաքննիչ բողոք բերել ուժի մեջ մտած դատավճռի դեմ:

Խախտումը նկատել ու բողոքը բերել էր Շենգավիթ վարչական շրջանի դատախազությունը, որն էլ, ընդ որում ամիսներ առաջ հաստատել էր մեղադրական եզրակացությունը և ընդհանուր իրավասության դատարանում պաշտպանել նախաքննական մարմնի առաջադրած մեղադրանքը:

Վիրաբ Ղազարյանը մեղավոր է ճանաչվել ու դատապարտվել հետևյալ արարքի համար:

25-ամյա Վիրաբ Ղազարյանը, նրա հետ ինտիմ կապի մեջ գտնվող Հեղուշ Հայրապետյանը և Գևորգ Մկրտչյանը Երևանյան լճի մոտից իրենց մեքենան են նստեցրել Իրանի քաղաքացի Ֆարթուս Մոհամադռեզայի Ղորբանուն: 

Վերջինս ասել է, թե ուղևորվում է «Բանգլադեշ» թաղամաս: Նրան նստեցրել են հետևի նստատեղին՝ Հեղուշի կողքին: Ըստ Հեղուշի՝ մեքենայի մեջ Ղորբանին իր բջջային հեռախոսով գրել է «15.000» ու ցույց տվել իրեն: Ինքը անտարբեր վերաբերմունք է ցուցաբերել: Իրանցին գրել է՝ «20.000»: Հեղուշը «հասկացել է», որ Ղորբանին իրեն մարմնավաճառի տեղ է դրել, այդ մասին հայտնել է Վիրաբին ու Գևորգին: Որոշել են կողոպտել իրանցուն՝ մտածելով, թե նրա մոտ գումար կլինի: 
«Եռաբլուր» համալիրի մոտից շրջադարձ են կատարել՝ մեքենայի ընթացքի ուղղությունը փոխելով դեպի Նժդեհի հրապարակ: Հեղուշը, որպես ենթադրյալ մարմնավաճառ, սկսել է սակարկել Ղորբանու հետ՝ առաջարկված գնի կապակցությամբ: Միաժամանակ, նա մտքում գնահատել է իրանցու Iphone-ը

Գևորգը մեքենան վարել է դեպի Շիրակի փողոց, հետո թեքվել է դեպի Արարատյան փողոց, Երևան-Մասիս մայրուղուն հասնելով՝ թեքվել դեպի ձախ, անցել երկու կիլոմետր: 

Ղորբանին հասկացել է, որ սխալ են ընթանում, այդպես «Բանգլադեշ» չի հասնի, անհանգստացել, պահանջել է կանգնեցնել մեքենան: 

Գևորգը մեքենան վարել է Նորաբաց գյուղի ճանապարհով: Ղորբանին մեքենայի լուսամուտից դուրս է նետել իր դրամապանակը: Հեղուշը նկատել է դա, մեքենան կանգնեցրել, դուրս է եկել դրամապանակը վերցնելու: Ըստ Հեղուշի՝ դրամապանակի մեջ եղել են փաստաթղթեր: 

Գևորգը «մանի-մանի» ասելով՝ գումար է պահանջել: Ղորբանին տվել է 50 դոլար, 12 հազար դրամ: Կողոպտիչները վերցրել են նաև նրա «Այֆոն» հեռախոսը: Գևորգը շորի կտորներով փակել է մեքենայի պետհամարանիշը, Ղորբանուն իջեցրել են, ցույց տվել դեպի Երևան տանող ճանապարհը, իսկ իրենք մեքենայով հեռացել են: 

Հափշտակած գումարը թողել են Գևորգի մոտ, որ պարտքերը մարի, իսկ իրանցու հեռախոսը վաճառել ու գումարը կիսել են Հեղուշն ու Վիրաբը:

Տուժողը կողոպտիչների հեռանալուց հետո մոտ երեսուն րոպե քայլել է, հասել մայրուղի, որտեղից պատահական տաքսիով հասել է Երևան ու ոստիկանությունում հաղորդում տվել կատարվածի մասին:

Հեղուշը բռնվել ու դատապարտվել է: 

Հետախուզման մեջ գտնվող Վիրաբ Ղազարյանը հայտնաբերվել է Ռուսաստանում: Տեղափոխվել է Հայաստան: 

Ռուսաստանից Ղազարյանին հանձնելու փաստաթղթերում հանձնող կողմը համաձայն է եղել միայն կողոպուտի մեղադրանքին: Բայց նախաքննական մարմինը, այնուամենայնիվ, անտեսելով հանձնող կողմի հետ ունեցած պայմանավորվածությունը, Վիրաբ Ղազարյանին մեղադրանք է առաջադրել ոչ միայն կողոպուտի, այլև մարդու առևանգման համար: 

Ընդհանուր իրավասության դատարանն էլ հաստատված է գնահատել երկու մեղադրանքները և Վիրաբ Ղազարյանին մարդու առևանգման համար դատապարտել 4 տարի 6 ամիս ազատազրկման, կողոպուտի համար՝ 3 տարի 6 ամիս ազատազրկման, վերջին հաշվով՝ 5 տարի 6 ամիս ազատազրկման:

Դատավճիռը չի բողոքարկվել, մտել է ուժի մեջ: 

Ու այդ ժամանակ դատախազությունում հայտնաբերել են, որ մարդու առևանգման համար, ըստ հանձնող կողմի հետ ունեցած պայմանավորվածության, Վիրաբ Ղազարյանը չպետք է մեղադրվեր ու չպետք է պատժվեր: Փաստորեն, ոչ ավել, ոչ պակաս՝ խախտվել էր Մինսկի կոնվենցիան: Մեղադրանքի կողմը բողոքարկման վեց ամիսը լրանալուց մի քանի օր առաջ բողոք էր բերել՝ պահանջելով մարդու առևանգման համար դադարեցնել Վիրաբ Ղազարյանի նկատմամբ քրեական հետապնդումը: Միաժամանակ, վերաքննիչ բողոքով առաջարկվել էր խստացնել կողոպուտի համար նշանակված պատիժը և Ղազարյանին դատապարտել 5 տարի ազատազրկման:

Վերաքննիչ քրեական դատարանը, իհարկե, Մինսկի կոնվենցիայի խախտումը վերացրեց՝ Վիրաբ Ղազարյանին արդարացնելով մարդու առևանգման համար մեղադրանքում: 

Դատարանը հաշվի առավ, որ մեղադրանքի ու պաշտպանական կողմերը ժամանակին չէին բողոքարկել ընդհանուր իրավասության դատարանի դատավճիռը, ասել կուզի՝ համաձայն էին եղել նշանակված պատիժներին: Այնպես որ՝ Վիրաբ Ղազարյանի պատիժը կողոպուտի համար չխստացվեց, այլ մնաց ընդհանուր իրավասության դատարանի կողմից սահմանված՝ 3 տարի 6 ամիս ազատազրկումը: 

Ահա այսպես Մինսկի կոնվենցիան թեթևացրեց Ռուսաստանից Հայաստան տեղափոխված Վիրաբ Ղազարյանի վիճակը: 

Կին ու մանկահասակ երեխա ունեցող Վիրաբին մնում էր լայն ժպիտով հեռանալ վերաքննիչ քրեական դատարանի դահլիճից:

1in.am
Просмотров: 489 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2024