Սա ավելի շատ կոկտեյլային ոճ է, չնայած չի բացառվում, որ նորաձեւ լեդիները այն տարածեն նաեւ առօրյա ոճում: Ամենամոդայիկ տարբերակը սեւ լաքով ներկված եղունգի հակառակ երեսը կարմիր պատելն է: Սա տարածել են «Լուբուտեն» կոշիկի սիրահարները՝ սեւի եւ կարմիր նույնական համադրություն ցանկանալով տեսնել նաեւ իրենց եղունգներին:

Ասպես էր ներկել եղունգները նաեւ Ադելը Grammy մրցանակաբաշխության ժամանակ: Միայն թե նա փոքր-ինչ այլ համադրություն էր նախընտրել՝ եղունգի արտաքին մակերեսը արծաթագույն, իսկ ներքինը՝ կարմիր:

Եղունգի ներքին մակերեսի համար, իհարկե, կարող եք նաեւ այլ գույներ ընտրել, ասենք՝ մանուշակագույն, կանաչ կամ սեւ, բայց այդ գույները երբեմն կեղտի տպավորություն են թողնում, այնպես որ կարմիրը նախընտրելի է: Մեկ բան եւս. որքան երկար լինեն եղունգները, այնքան Ձեր եղունգների նոր դիզայնն ընդգծված կլինի:

http://ladynews.am