Այս գեղեցիկ գարնանային տոնի կապակցությամբ el.am-ըհարցազրույց է անցկացրել մեր շոու–բիզնեսի մի քանի հայտնի մարդկանց հետ `պարզելու, թե ինչպես են նրանք պատրաստվում անցկացնել մարտի ութը, ինչ են նվիրլու իրենց կանանց, իսկ աղջիկները, ինչ են ակնկալում ստանալ և ում բարեմաղթանքներին են սրտատրոփ սպասում։

Հաղորդավարուհի, գեղեցկուհիԱննա Գրիգորյանի համար թանկ է հարազատների և մտերիմների յուրաքանչյուր շնորհավորանք։ Բայց ամենից թանկ շնորհավորանքը իր կրտսեր եղբոր անակնկալներն են, վերջինս երկու տարեկանից սկսած իրեն և մայրիկին փոքր, բայց շատ թանկ նվերներ է մատուցում։ Օրինակ` մի անգամ մազակալի տեսքով, մի անգամ բացիկի և ծաղիկների, իսկ այս տարի նվիրել է իր ձեռքով պատրաստած կավե ծաղկաման։

Երգիչ Գևորգ Բարսեմյանը ասաց, որ առաջինը շտապելու է շնորհավորել տիկնոջը, մայրիկին ու քույրիկին։ Նա նշեց, որ իր տիկնոջ համար պատրաստել է մի շատ հետաքրքիր նվեր–անակնկալ, որը հանձնելու է կեսգիշերին, և չցանկացավ բացել փակագծերը` պարզաբանելով անակնկալի էությունը։ Այն հարցին, թե որն է եղել իր մատուցած ամենահետաքրքիր նվերը այս տոնի կապակցությամբ առհասարակ, նա մտաբերեց մանկությունը, դպրոցական տարիները, երբ, սիրահարված լինելով իր համադասարանցուն, նրան էր նվիրել ծաղիկներով փաթեթավորված Սելիոն Դիոնի ձայնասկավառակը։

Ոճաբան Արայիկ Գաբաջյանը առաջինը շնորհավորում է մայրիկին և քույրիկին։ Հիշվող անակնկալներից նա մտաբերեց, որ մի քանի տարի առաջ մոր և քրոջ համար երկու տորթ էր պատրաստել` համապատսխանաբար մեծ և փոքր, իսկ առավոտյան սեղանը զարդարելուց այդ տորթերը միացրել էր իրար այնպես, որ ութ էր ստացել։ Իսկ այն հարցին, թե ինչ է պատրաստվում նվիրել այս տարի, ասաց, որ քույրիկի համար տիկնիկ է գնել, քանի որ վերջինս երեխա է սպասում և շատ է ցանկանում աղջիկ ունենալ։

Երիտասարդական նվագախմբի գլխավոր դիրիժոր Սերգեյ Սմբատյանը, ինչպես միշտ առաջինը շտապելու է շնորհավորել իր տատիկների տոնը։ Իսկ շնորհավրելու օրիգինալ տարբերակներից, նա նշեց համերգի ժամանակ բեմից բարեմաղթանքներ հնչեցնելը։

Անուշիկ Ալավերդյանը, ինչպես ամեն տարի սպասում է առավոտյան հայրական շնորհավորանքին, որն իր համար ամենալավ և թանկարժեք նվերն է։ Նախկին տարիների մարտի ության օրերից, նա մտաբերեց լավ անցկացրած մի օրը, երբ ինքն ու իր ընկերուհի Սուսաննա Պետրոսյանը ուշ և ցուրտ երեկոյան մի գավաթ թեյով շրջել են Երևանի փողոցներով։

http://www.el.am