Այսօր՝ հուլիսի 3-ին, ողբերգական վրաերթ է տեղի ունեցել Վայոց Ձորի մարզում: Ժամը 21:30-ի սահմաններում Ոստիկանության Եղեգնաձորի բաժին ահազանգ է ստացվել, որ Խանջյան փողոցի թիվ 28 տանը մահացած կին կա: Ինչպես հայտնում է ֆոտոլրագրող Գագիկ Շամշյանը, նշված հասցե են ժամանել Ոստիկանության Եղեգնաձորի բաժնի օպերատիվ-քննչական խումբը՝ քննիչ Էդգար Ավդալյանի գլխավորությամբ:

Ժամանել են նաև Ճանապարհային ոստիկանության 2-րդ սպայական գումարտակի 6-րդ վաշտի աշխատակիցները՝ վաշտի հրամանատար Արամ Գալստյանի, հրամանատարի տեղակալ Գեղամ Մարգարյանի և դասակի հրամանատար Կարեն Օհանյանի գլխավորությամբ: Ֆոտոլրագրողը հայտնում է, որ ոստիկանները պարզել են, որ նույն հասցեի բնակիչ 56-ամյա Ս. Բ.-ն վարելով իրեն պատկանող «Opel» մակնիշի ավտոմեքենան, տուն մտնելու ժամանակ, չնկատելով մորը՝ 85-ամյա Զ.Բ.-ին, անզգուշաբար վրաերթի է ենթարկել, ինչի հետևանքով մայրը տեղում մահացել է: Փաստի առթիվ քննիչ Է. Ավդալյանի կողմից նյութեր են նախապատրաստվում:

shamshyan.com