Սևանա լճում այս տարվա ընթացքում տեղի է ունեցել ջրահեղձման 6 դեպք, որից 3-ը փետրվար ամսին լճի սառցակալման ժամանակ, իսկ մյուս 3 դեպքը՝ լողաշրջանի ընթացքում, նրանց մեջ եղել է նաև 1 անչափահաս, սակայն վերջինի ջրահեղձ լինելու պատճառը եղել է էպիլեպսիա կոչվող հիվանդությունը:

''Համեմատություն անցկացնելով նախորդ տարվա նույն ժամանակահատվածի հետ՝ դժբախտ դեպքերի քանակի առումով պատկերը նույնն է: Ինչ վերաբերվում է փրկվածներին՝ նախորդ տարի նույն ժամանակահատվածում եղել են 17-ը, այս տարի՝ 20-ը, սակայն այս տվյալները պաշտոնապես գրանցվածներին է վերաբերվում, շատ դեպքեր են եղել, երբ փրկվածները հրաժարվել են իրենց ինքնությունն ասել'',- նշել է ՀՀ ԱԻՆ փրկարարական ուժերի վարչության հատուկ ջրափրկարարական ջոկատի հրամանատար գնդապետ Սամվել Մկրտչյանը:

Սամվել Մկրտչյանի խոսքով՝ հայ ջրափրկարարները յուրաքանչյուր 3 տարին մեկ վերապատրաստվում են պետություններում:

Ինչպես նախորդ հանդիպման ժամանակ, այս անգամ ևս Սամվել Մկրտչյանը փաստել է, որ ջրահեղձման դեպքերը լինում են երեկոյան ժամերին,- հայտնում է ''Փաստինֆո''-ն:

mamul.am