ՌԴ Պետդուման առաջիկայում կընդունի գումարի դիմաց սեռական ծառայություն մատուցող անչափահասներին պատժի ենթարկելու մասին լրամշակված մի օրինագիծ, որը խստացնում է քրեական պատասխանատվության չափը: Ըստ նախագծի` նման ծառայության համար անչափահասը կտուգանվի մոտ 6 500 դոլարով: Կպատժվի նաև նրա զուգընկերը:

Հայաստանում ևս նման օրենք կա, ըստ որի` մինչև 16 տարեկան երեխայի հետ սեռական բնույթի գործողությամբ զբաղվողը, անկախ այն հանգամանքից, անչափահասի կամքով է եղել դա, թե ոչ, պատժվում է:

Խնդիրը, բնականաբար, այլ է անչափահասներին սեռական բռնության ենթարկողների դեպքում: Նման ոտնձգությունների առավել շատ ենթարկվում են 12-15 տարեկան երեխաները: Ցավալի է, բայց մեր երկրում ևս կան դեպքեր, երբ երեխաներին սեռական հարաբերությունների մեջ են ներքաշում վերջինների ծնողները: Եղել է օրինակ, երբ մայրն է աղջկան դրդել սեռական կապի՝ նախ սեփական զուգընկերոջ և հետո՝ մեկ այլ տղամարդու հետ: Մեկ այլ դեպքում մարմնավաճառ մայրն իր 16 տարեկան աղջկան 14 տարեկանից ներքաշել է այդ երևույթի մեջ: Կարծում ենք` հատկապես նման դեպքերի համար պատժաչափը պետք է շատ խստացնել: