Խոյ (21 մարտ- 20 ապրիլ)

Խոյերը կարող են այնքան էլ չհասկանալ, թե ինչ է կատարվում իրենց շուրջը, կլինի աշխատավայրում, թե ընտանիքում: Գուցե ձեզ փորձում են օգտագործել` չպարզաբանելով խնդրանքների կամ պահանջների իրական պատճառները: Զգույշ եղեք, այլապես ստիպված կլինեք պատասխան տալ այլոց սխալների համար: Շաբաթվա կեսերին համառություն ցուցաբերեք և թույլ մի՛ տվեք ճնշում գործադրել ձեզ վրա: Վերլուծեք անգամ ամենաանմեղ խնդրանքներն ու առաջարկները: Իսկ եթե պլանավորում եք վերջ դնել որևէ մեկի հետ հարաբերություններին, ապա արեք դա ամսվա վերջին տաս օրվա ընթացքում: Շաբաթվա վերջին փորձեք կենտրոնանալ ձեր հետաքրքրությունների և շահերի վրա, ինչը ձեզ հնարավորություն կտա ամրապնդելու ձեր դիրքերը:

Ցուլ (21 ապրիլ – 20 մայիս)

Ցուլերին սպասվում է հարաբերությունների պարզում, ընդ որում նրանք ստիպված կլինեն ցուցաբերել իրենց բնավորության ուժեղ կողմերը, որպեսզի համառ լինեն և պաշտպանեն իրենց համոզմունքները: Հավանական է, որ շաբաթվա վերջին որևէ գաղտնիք բացահայտեք, ինչից հետո ցանկություն չեք ունենա շարունակել ձեր նախկին կենսակերպը: Կհրաժարվեք հաշվի նստել մյուսների կամ կոնկրետ ինչ-որ մեկի շահերի հետ, քանի որ կհասկանաք, որ եկել է ձեր ժամանակը: Չորեքշաբթի օրը չթողնեք շեղել ձեզ ձեր ուղուց: Ձեր որոշումը դրական արդյունք կտա միայն այն դեպքում, երբ վստահ լինեք, թե ինչ եք կոնկրետ անելու: Շաբաթվա վերջին գուցե առանձնանալու կարիք ունենաք, որպեսզի հանգստանաք և կողմնորոշվեք հետագա անելիքների հարցում: Մի մնացեք տանը, քաղաքից դուրս եկեք, մոտ եղեք բնությանը:

Երկվորյակ (21 մայիս – 21 հունիս)

Երկվորյակները պետք է փորձեն պահպանել իրենց համբավը, իսկ դրա համար խորհուրդ չի տրվում հրապարակավ խոսել իրենց անձնական հարաբերությունների, նախասիրությունների և եկամտի ստացման եղանակների մասին: Գուցե մարդիկ լինեն, ովքեր փորձեն օգտվել ձեր թուլություններից, որպեսզի ձեզ բարոյական և նյութական վնաս հասցնեն: Շաբաթվա սկզբին փորձեք հստակ լսել և կատարել այն, ինչ ղեկավարությունը պահանջում է ձեզնից. պետք չէ հարուցել ղեկավարության դժգոհությունը: Այժմ բնավորությունը ցույց տալու ժամանակը չէ: Իսկ շաբաթվա վերջին կարող եք ձեզ թույլ տալ հանգստանալ: Զբաղվեք նրանով, ինչ ձեր հոգին կցանկանա, դա ի օգուտ ձեր գործերի և հարաբերությունների կլինի:

Խեցգետին (22 հունիսին – 22 հուլիսին)

Խեցգետինների համար դժվար կլինի: Նրանք ստիպված կլինեն պահպանել ուրիշի գաղտնիքը, և դրա պատճառով կտուժի նրանց սեփական գործունեությունը: Բացառված չէ, որ ձեր բարության պատճառով ստիպված լինեք պատասխանատու լինել ուրիշի սխալների համար: Փորձեք այնպես դասավորել իրավիճակը, որ չտուժեք ոչ դուք, ոչ էլ ձեզ վստահած մարդը: Շաբաթվա սկզբին ստիպված կլինեք երկար ժամանակ տրամադրել ձեր հարազատներին և ընտանեկան խնդիրներին: Գուցե ջրի երես դուրս գան հին պարտքերը: Աշխատեք շուտ ազատվել դրանցից: Շաբաթվա կեսերին կարող եք տուժել սեփական զգայունությունից, գուցե ինչ-որ մեկը փորձի օգտագործել ձեզ` ազդելով ձեր խղճի վրա: Մի՛ ենթարկվեք սադրանքներին: Մի ծուլացեք:

Առյուծ (23 հուլիս – 22 օգոստոս)

Առյուծներին սպասվում է նախկին տարիների արածի վերաիմաստավորում: Բացառված չէ, որ ձեր գործունեության նոր ուղղություն տեսնեք կամ ցանկանաք զուգահեռ ինչ-որ նոր բանով զբաղվել: Շաբաթվա սկզբին ձեզ ինչ-որ գաղտնիք կարող է բացվել: Գուցե որոշ մարդիկ ցանկանան ձեզ մոտ բացվել: Մի՛ մերժեք նրանց, փորձեք անել ամեն ինչ, ինչ ձեզ կխնդրեն: Եվ այդ մարդկանց երախտապարտությունը սահմաններ չի ճանաչի: Շաբաթվա սկզբին խնայեք ձեր առողջությունը: Փորձեք ժամանակ գտնել հանգստի համար:

Կույս (23 օգոստոս – 22 սեպտեմբեր)

Կույսերը պետք է փորձեն ինֆորմացիայի հետ զուսպ և հավաք լինել: Բացառված չէ, որ հավաստի թվացող տեղեկությունըն ապատեղեկատվություն լինի: Շաբաթվա սկզբին փորձեք զերծ մնալ աշխատանքի մասին խոսակցություններից հատկապես քիչ ծանոթ մարդկանց հետ: Շաբաթվա կեսին փորձեք խնայել ձեր գումարները, անգամ եթե թվա, թե գտել եք այն իրը, առանց որի ապրել չեք կարողանա: Զսպեք ձեզ, քանի որ հետագայում գուցե այդ գումարի կարիքն ունենաք: Շաբաթվա վերջին պետք չէ եսասիրություն ցուցաբերել մոտ մարդկանց հետ հարաբերություններում:

Կշեռք (23 սեպտեմբեր – 22 հոկտեմբեր)

Կշեռքները ստիպված կլինեն որոշել, թե ինչ են ցանկանում անել և ինչից պետք է հրաժարվել: Հավանական է, որ շաբաթվա սկզբին ինչ-որ ինֆորմացիա ստանաք, ինչը ձեզ մտորելու շատ առիթ կտա: Չի բացառվում, որ ձեզ սիրո խոստովանություն անեն: Շաբաթվա կեսին հաջող կլինի ձեր ձեռնարկած ցանկացած գործ, իսկ վերջին ձեզ գուցե առաջարկեն անհատական նախագիծ մշակել: Մի հրաժարվեք, անգամ եթե շատ զբաղված լինեք: 

Կարիճ (23 հոկտեմբեր – 21 նոյեմբեր)

Շաբաթվա սկզբին կարիճներն իրեն շուրջ կհավաքեն մարդկանց, ովքեր իրենց կողքին կլինեն ցանկացած ձեռնարկած գործում: Չի բացառվում, որ որոշեք ինչ-որ «գաղտնի հասարակություն» բացել, որում առաջնորդ կլինեք: Մարդիկ անվերապահորեն կհետևեն ձեզ: Շաբաթվա սկզբին ավելի շատ վստահեք ձեր ինտուիցիային: Գուցե ձեզ շատ շահավետ գործարք առաջարկեն, սակայն ձեր ներքին ձայնը հուշի, որ հրաժարվել է պետք: Ավելի լավ է ոչ մի կարևոր որոշում չկայացնել` հիմնվելով անձնական համակրանքի կամ հակակրանքի մասին: Շաբաթվա կեսին գուցե պատասխանատու լինեք մյուսների արարքների համար:

Աղեղնավոր (22 նոյեմբեր – 21 դեկտեմբեր)

Աղեղնավորներին խորհուրդ չի տրվում շատ գլուխ գովել իրենց անձնական կյանքով կամ փորձել զարմացնել ինչ-որ մեկին: Կա վտանգ, որ մարդիկ կփորձեն վնասել ձեզ: Խուսափեք խոսակցություններից, թե որքան լավ է ձեզ մոտ ամեն ինչ: Հենց այդ ժամանակ կարող է պարզ դառնալ, որ ամեն ինչ այդքան էլ լավ չէ: Շաբաթվա կեսին հնարավոր է՝ խնդիրներ ծագեն աշխատավայրում, չի բացառվում, որ դա կարող է կապ ունենալ ձեր առողջական վիճակի հետ: Շաբաթվա վերջում լուրջ վերաբերվեք այն ամենին, ինչ կատարվում է ձեր օրգանիզմում: Ձեզ հետաքրքիր հանդիպում է սպասվում:

Այծեղջյուր (22 դեկտեմբեր – 19 հունվար)

Այծեղջյուրներին համառ աշխատանք է սպասվում ոչ միայն մասնագիտական, այլև անձնական կյանքում: Հավանական է, որ սիրահարվեք և փորձեք սիրահարված վիճակը համատեղել կարիերայի հետ: Շատ բան կբացահայտեք ձեր մասին: Շաբաթվա երկրորդ կեսը նվիրված կլինի ինքնաբացահայտմանը և վերաարժեքավորմանը: Շաբաթվա վերջին ստիպված կլինեք շրջապատին ցույց տալ ձեր վառ անհատականությունը:

Ջրհոս (20 հունվար – 18 փետրվար)

Ջրհոսներին սպասվում են բազում անակնկալներ, ովքեր կօգնեն կողմնորոշվել գործնական, սոցիալական և անձնական գործերում: Շաբաթվա սկզբին ձեզ լավ ծանոթ ինչ-որ մեկը հաճելիորեն կզարմացնի ձեզ: Բացի այդ` չի բացառվում, որ նա ձեզ ինչ-որ բան առաջարկի, ինչը կհետաքրքրի ձեզ: Աշխատեք չսահմանափակել ձեր ցանկությունները, քանի որ դա հնարավորություն կընձեռի ձերբազատվել հոգնածությունից: Փորձեք զբաղվել միայն անհետաձգելի գործերով:

Ձկներ (19 փետրվար – 20 մարտ)

Ձկների համար շաբաթը շատ հաջող կլինի: Ամենայն հավանականությամբ նրանց սպասվում է իրենց արժանիքների գնահատում: Նրանց ժամանակը հաճելի և անհոգ կանցնի: Բարգավաճում է սպասվում նաև ֆինանսական գործերում: Շաբաթվա սկզբին ստիպված կլինեք կարևոր որոշում կայացնել: Մի հիմնվեք շրջապատի կարծիքի վրա: Լսեք ձեր ներքին ձայնին: Շաբաթվա կեսին մի՛ փորձեք հանգամանքներին հակառակ գնալ: Շաբաթվա վերջին հնարավորություն կունենաք ձեզ ինչ-որ բանով ուրախացնել:

https://www.facebook.com/permalink.php?story_fbid=665955883420721&id=487308284618816