Սկզբում տհաճ կլինի, հետո՝ հաճելի. Արտավազդն իր կնոջը ծեծելով մարմնավաճառության է մղել - 25 Июня 2013 - :)
Հետաքրքիր Փաստեր Суббота, 21.01.2017, 18:36
Приветствую Вас Гость | RSS
Меню сайта

Հետաքրքիր Փաստեր

[Անիմացիա]
Սեղմիր Класс

иди на ….. . Վահրամ Սահակյանը հայհոյեց

Ուրալում ռուսներն ու ուզբեկները հայերի «կոտորած» էին ծրագրել

Որո՞նք են ամենասեքսուալ մասնագիտությունները

Երբ հանգցնում եք ննջասենյակի լույսը

Հայաստանը 4-րդն է շախմատային երկրների շարքում

Կանայք չեն ժամադրվում գործազուրկ տղամարդկանց հետ

Չինացի միլիարդատերը կույս հարսնացուի համար պատրաստ է 800 հազ դոլար ծախսել

Կանայք վայելում են իրենց կյանքի ամենալավ սեքսը 28 տարեկանում, տղամարդիկ՝ 33

[Անիմացիա]
Жми КЛАСС

[Անիմացիա]
Սեղմիր Класс

Երեխան արգանդում ողջ է մնացել` մոր մահանալուց հետո

Հայաստանում կանցկացվի տոլմայի փառատոն. Տոլման ամբողջությամբ եւ միմիայն հայկական կերակրատեսակ է

[Անիմացիա]
Սեղմիր Класс

Ինչպե՞ս եւ ե՞րբ կընտրվի «Մանկական Եվրատեսիլ-2012»-ում Հայաստանի մասնակիցը

Դիետա` տղամարդկանց պոտենցիայի համար

“Ուրոլոգ”-ը չպետք է թարգմանվի “միզաբան”, իսկ “սեքս”-ը` “հաճույքաճխտիք”

Սեքսի համար կարեւոր վիտամինները

Շերոն Սթոունի կրկնակի երիտասարդ սիրեկանը /լուսանկարներ/

Поиск

Главная » 2013 » Հունիս » 25 » Սկզբում տհաճ կլինի, հետո՝ հաճելի. Արտավազդն իր կնոջը ծեծելով մարմնավաճառության է մղել
08:01
Սկզբում տհաճ կլինի, հետո՝ հաճելի. Արտավազդն իր կնոջը ծեծելով մարմնավաճառության է մղել

Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Արմեն Խաչատրյանի նախագահությամբ ավարտվել է Արտավազդ Մուրադյանի գործի դատավարությունը:

Գործը քննվել է դռնփակ կարգով:

2012 թվականի մարտի 13-ին 30-ամյա Արտավազդ Մուրադյանը որպես մեղադրյալ ներգրավվել է ՀՀ քրեական օրենսգրքի 132 հոդվածի 2-րդ մասի 4-րդ կետով նախատեսված այն արարքի համար, որ իր հետ նույն հարկի տակ բնակվող փաստացի կնոջը սեռական շահագործման ենթարկելու նպատակով 2011 թվականի ապրիլից մինչև սեպտեմբեր ընկած ժամանակահատվածում պարբերաբար, կնոջ կյանքի և առողջության համար ոչ վտանգավոր բռնություն գործադրելով՝ հարվածներ հասցնելով, բացի այդ՝ համատեղ ամուսնական կյանքից 2010 թվականին ծնված դստեր կյանքի և առողջության համար վտանգավոր բռնություն գործադրելու՝ երեխային վնասելու, կյանքից զրկելու սպառնալիքներով, կնոջը մայրական իրավունքից զրկելու սպառնալիքներով «իր լիարժեք տիրապետման ներքո գտնվող կնոջը պարտադրել է զբաղվել մարմնավաճառությամբ»: 

Ըստ դատական ակտի՝ Արտավազդ Մուրադյանը կնոջ կամքին հակառակ, մանկահասակ երեխայի հետ միասին տաքսի մեքենայով կնոջը տարել է Կիևյան փողոց, հաճախորդներ գտնելու նպատակով ստիպել է, որ կինը կանգնի ճամփեզրին, իսկ ինքը, երեխայի հետ մնալով տաքսու մեջ, վերահսկել է, ապա կնոջից վերցրել և ինքնուրույն տնօրինել է մարմնավաճառությամբ աշխատած գումարները:

Անհնարին թվացող այս արարքի կատարումը Արտավազդ Մուրադյանի կողմից ընդհանուր իրավասության դատարանը հաստատված է գնահատել:

Ըստ դատական ակտի՝ Արտավազդը կնոջ հետ փաստական ամուսնական կապի մեջ է եղել 2009 թվականի հունիսից: Օգոստոսի 7-ին տեղի է ունեցել նրանց հարսանիքը: Բնակվել են համատեղ Արտավազդի ու նրա մոր բնակարանում: 

Պարտքերի տակ են ընկել, գոյացած պարտքերը փակելու համար վաճառել են բնակարանը, վարձակալությամբ բնակվել տարբեր բնակարաններում:

Գործի տվյալներով՝ կնոջ հետ համատեղ ամուսնության ընթացքում Արտավազդը, ըստ էության, չի աշխատել: Միաժամանակ, գումարներ է վատնել խաղատներում:

Դստեր ծնվելուց մոտ մեկ տարի անց՝ 2011 թվականի ապրիլից Արտավազդը սկսել է համոզել, որ կինը մարմնավաճառությամբ զբաղվի, որպեսզի իրենք կարողանան գումարներ վաստակել: 

Ըստ դատական ակտի՝ երբ կինը մերժել է, Արտավազդը ֆիզիկական բռնություն է գործադրել, ծեծել է նրան, տարբեր սպառնալիքներ տվել և կարողացել է իր վերահսկողության տակ կնոջը մարմնավաճառության ուղարկել: Կարողացել է նաև ծախսել կնոջ «վաստակած» գումարները:

Արտավազդ Մուրադյանն իրեն մեղավոր չի ճանաչել: Նա հայտնել է, որ ապագա կնոջ հետ ծանոթացել է «Երևան» հեռուստաալիքի վազող տողով ծանոթությունների վերաբերյալ հայտարարության միջոցով: Նա դեռ ավարտական դասարանի աշակերտուհի է եղել: 

Որոշել են ամուսնանալ ավարտական վերջին քննության օրը: 

Այդ օրը Արտավազդը տաքսիով գնացել է դպրոցի մոտ, աղջկան տարել իր մոր մոտ, հետո գնացել են Արտավազդի բնակարան և «երջանիկ ապրել են»: 

Հարսանիքի կազմակերպման համար բնակարանը գրավ են դրել: 

Ճիշտ է, Արտավազդը չի աշխատել, բայց աշխատել է նրա մայրը և օգնել է որդու ընտանիքին: 

Արտավազդը շեշտել է, որ ինքը երկու ամիս աշխատել է «Ժեմչուգի» գործարանում և «Գյումրի» գարեջրի գործարանում: Աշխատանքային հարուստ կենսագրություն է, հարկավոր էր շեշտել: 

Ըստ Արտավազդի՝ ինքը կնոջը չի ստիպել մարմնավաճառություն անել: Սեպտեմբերի 25-ին դուրս է արել տնից: Կինը գնացել է հայրական տուն ու հրաժարվել է իր մոտ վերադառնալ: 

Արտավազդի ասելով՝ ինքը մշտապես ուշադիր, հոգատար է եղել իր երեխայի հանդեպ, կինը զրպարտել է իրեն, որ երեխային վերցնի:

Տուժող ճանաչված կնոջ ցուցմունքով՝ ինքը չի ցանկացել ամուսնանալ Արտավազդի հետ, վերջինս մի քանի անգամ առաջարկություն է արել, իսկ դպրոցական վերջին քննության օրը իրեն մոլորեցնելով՝ տարել է իր տուն և չի թույլատրել, որ հայրական տուն գնա: Ինքն էլ համակերպվել է, սկսել են համատեղ ապրել:

Ըստ կնոջ՝ Արտավազդը երբեք չի աշխատել, խաղամոլ է եղել, իրենց բոլոր կարիքները հոգացել է Արտավազդի մայրը: 

Ֆինանսական խնդիրների պատճառով Արտավազդը հաճախ վիճել է մոր հետ, անգամ բռնություն է գործադրել: Մայրը հեռացել է իրենցից, հրաժարվել է օգնել: Արտավազդը կնոջը ստիպել է գումարներ ուզել իր ծնողներից, այդ գումարները տանուլ է տվել խաղատներում: 

Ըստ կնոջ՝ Արտավազդը հաճախ ծեծել է նրան, անգամ՝ հղի ժամանակ: Ծեծի արդյունքում կոտրել է կնոջ քիթը: Արտավազդը կնոջը պատմել է, թե սկզբում ամուսնացած է եղել մի ուրիշ կնոջ հետ, և այդ կինը նրան այնքան է սիրել, որ զբաղվել է մարմնավաճառությամբ ու գումարները տվել է, որ Արտավազդը լուծի ֆինանսական խնդիրները, մինչև անգամ շքեղ նորոգել են բնակարանը: 

Ապրիլ ամսին Արտավազդն առաջարկել է, որ ներկա կինը, նախորդի նման, զբաղվի մարմնավաճառությամբ, ասել է, թե սկզբում կարող է տհաճ լինել, բայց հետո հաճույք կստանա ու «կհարմարվի հարուստ կյանքին»:

Ըստ տուժող կնոջ՝ ինքը հրաժարվել է: Բայց Արտավազդը նախ տուն է ուղարկել իր պարտատերերից մեկին, ով Արտավազդի թույլտվությամբ բռնություն է գործադրել ու սեռական հարաբերություն ունեցել կնոջ հետ: Պարտատերն ասել է, թե Արտավազդը պարտք է 50 հազար դրամ, պարտքի 20 հազարը այդպիսով «հեչ են անելու»:

Ապա, կնոջ ցուցմունքների համաձայն, Արտավազդը սպառնացել է, թե երեխային կխլի կամ կվնասի ու ստիպել է, որ կինը կանգնի Կիևյան փողոցում, ներկայանա որպես մարմնավաճառ, բանակցի հաճախորդների հետ, գնա հյուրանոցներ, մարմնավաճառությունը անի, ապա գումարները տա ամուսնուն: Այդպես արել են որոշ ժամանակ: Գումարներն Արտավազդը հիմնականում տանուլ է տվել խաղատներում:

Կատարվածի մասին իմացել է կնոջ փաստաբանը, նրա խորհրդով կինը դիմել է ոստիկանություն:

Ընդհանուր իրավասության դատարանը հաստատված է գնահատել Արտավազդ Մուրադյանի մեղքը՝ կնոջը սեռական շահագործման ենթարկելու համար, և դատապարտել է 10 տարի ազատազրկման: Պատժի սկիզբը՝ 2012 թվականի մարտի 30-ից:

1in.am
Просмотров: 362 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ

Copyright MyCorp © 2017