Ապրիլի 22-ին, խոշոր ավտովթար է տեղի ունեցել Երևանում: Ժամը 00:05-ի սահմաններում Ճանապարհային ոստիկանության օպերատիվ կառավարման կենտրոն ահազանգ է ստացվել, որ Աճառյան փողոցում բախվել են BMW մակնիշի 80 ՕD 777, ВАЗ 21 07 մակնիշի 22 ՍՏ 227, մեկ այլ ВАЗ 21 07 մակնիշի 30 ՕՏ 106 համարանիշի և կայանված վիճակում գտնվող ГАЗ 31 10 մակնիշի 05 ԼՍ 774 համարանիշի ավտոմեքենաները: 

Ինչպես վթարի վայրից հայտնում է ֆոտոլրագրող Գագիկ Շամշյանը, քիչ առաջ 1-03 ծառայության բրիգադը 1 հոգու տեղափոխեց «Սուրբ Գրիգոր Լուսավորիչ» բժշկական կենտրոն: Վթարի վայր են ժամանել Երևանի ճանապարհային ոստիկանության աշխատակիցները՝ Երևանի ՃՈ պետի տեղակալ Հայկազ Մաթևոսյանի գլխավորությամբ: 

Վթարի վայրում քննչական աշխատանքները ղեկավարում է ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Տիգրան Վարդանյանը: 

Գ. Շամշյանը հայտնում է, որ երբ ВАЗ 21 07-ը հարված ել է BMW-ին, վերջինս բախվել է կանգառում տեղադրված թերթի կրպակին, այնուհետև՝ հարվածել և վնասել է մայթեզրին տեղադրված մրգեր վաճառողների տաղավարին: 

Հարվածի հետևանքով թերթի կրպակը մոտ 5 մետր տեղաշարժվել էր, հայտնում է shamshyan.com-ը: 

Վթարի վայրում խցանումները վերացնելու և վարորդներին օգնություն ցուցաբերելու համար ճանապարհային ոստիկանների հետ աշխատանքներ էին կատարում ոստիկանության Երևան քաղաքի վարչության պարեկապահակային ծառայության գնդի 2-րդ վաշտի ոստիկանները: 

Ոստիկանությունը պարզում է վարորդների և վիրավոր անձի ինքնությունը: