22-ամյա Ս.Կ-ն անչափահաս Ա. Բ-ի հետ ծանոթացել է համացանցի միջոցով։ Էջում աղջկա անվան դիմաց գրված է եղել «Սիրուն աղջիկ»։ 6 ամիս անց արդեն անչափահասը զրկվել է կուսությունից: Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանից  NEWS.am-ը տեղեկացավ, որ սույն գործը քննվելու է իրենց մոտ:

22-ամյա Ս. Կ-ին մեղադրանք է առաջադրվել այն բանի համար, որ նա նախապես տեղեկանալով, որ Ա. Բ-ը 15 տարեկան է, «Արաբկիր» զբոսայգում սեռական հարաբերություն է ունեցել ակնհայտ 16 տարին չլրացած անչափահասի հետ: Առաջադրված մեղադրանքում նախաքննության փուլում Ս. Կ-ն իրեն մեղավոր է ճանաչել եւ ցուցմունք տվել, որ Ա. Բ-ի հետ ծանոթացել է 6 ամիս առաջ համացանցի միջոցով, որի էջում անվան դիմաց գրված է եղել «Սիրուն աղջիկ»,  իսկ շփման ընթացքում Ա.Բ-ն խնդրել է իրեն անվանել Նաստյա: Ս.Կ-ի եւ Ա.Բ-ի մտերմությունը 2012թ. ապրիլ ամսից է եղել:

Ա-ի հետ շփվել է, ինչպես համացանցի միջոցով, այնպես էլ բջջային հեռախոսով, որի ժամանակ Բ-ն հայտնել է Կ-ին, որ ինքը ընկեր ունի, արժանի չէ իրեն, բացի այդ կույս չէ: Շփման ընթացքում Կ-ն առաջարկել է հանդիպել, իսկ Բ-ն չի մերժել:  2012թ. ապրիլի վերջերին հանդիպել է Ա.Բ-ին նրա ուսման վայրին մոտ` Կոմիտաս փողոցում, որից հետո քայլելով գնացել են Արաբկիրի զբոսայգի, որտեղ զբոսնել են, զրուցել: Դրանից հետո Կ-ն ճանապարհել է Բ-ին մինչեւ իրենց տան մոտ եւ ինքն էլ վերադարձել Վանաձոր: Երկրորդ անգամ Կ-ն հանդիպել է Բ-ին 2012թ. մայիսի 7-ին, 13.30-ի սահմաններում, վերջինիս ուսման վայրի մոտակայքում, որից հետո քայլելով գնացել են Արաբկիրի զբոսայգի: Քայլել են այգում, որի ընթացքում անցնելով ծառուղիներից մեկով առաջարկել է Բ-ին գնալ եւ նստել ձախ կողմում ճանապարհից ներս` ծառերով եւ թփերով շրջապատված մի վայրում, ինքն էլ համաձայնվել է:

Նստել են խոտերի վրա, գրկել իրար, համբուրվել, հանել է իր եւ Բ-ի հագուստները եւ տեղի է ունեցել սեռական կապ: Դրանից հետո նրանք հագնվել են, դուրս եկել ծառուղի եւ այդ պահին իրեն զանգահարել է իր ընկեր Ս-ն, հայտնել, որ շատ կարեւոր եւ շտապ գործ ունի, խնդրել, որ Կ-ն գնա միանա իրեն: Ինքը Բ-ին հայտնել է ընկերոջ կանչելու մասին եւ Կոմիտաս փողոցում` կանգառի մոտ թողնելով Բ-ին հեռացել է տաքսիով, ասելով Բ-ին, որ սպասի իր եղբորը, որը քիչ հետո կգա իր հետեւից եւ կտանի իրենց տուն, կծանոթացնի իր հարազատների հետ: Անչափահասն էլ իր ցուցմունքում ասել է, որ նստելով տաքսի հեռացել է ու էլ չի վերադարձել: Բ-ն անջատել է նաեւ իր հեռախոսը զբոսնել միայնակ, որից հետո միացրել է հեռախոսը, զանգել իր ընկերներից Ա-ն, ասել, որ կռվել է տան անդամների հետ եւ չի ուզում տուն գնալ:

Ա-ն տեղյակ լինելով, որ Բ-ը գիշերելու տեղ չունի առաջարկել է գալ իր աշխատանքի վայր, մնալ իր հետ Արգավանդի խճուղում գտնվող խանութում մինչեւ հաջորդ օրը: Իսկ, երբ Բ-ն միացրել է իր բջջային հեռախոսը, զանգահարել են Արաբկիրի ոստիկանությունից՝ հարցրել, թե որտեղ է գտնվում եւ հրավիրել ոստիկանության բաժին պարզելու Բ-ի՝ տուն չգնալու պատճառը:  Դատարանը վճռել է Ս. Կ-ին մեղավոր ճանաչել ՀՀ քրեական օրենսգրքի 141-րդ հոդվածով նախատեսված արարքի կատարման համար եւ դատապարտել մեկ տարվա ազատազրկման: Դատավճիռը բողոքարկվել է վերաքննիչ դատատարանում, մնացել է անփոփոխ: Այժմ գործը գտնվում է  վճռաբեկ դատարանում: