24-ամյա Գ. Կ-ը մեղադրանք է առաջադրվել այն բանի համար, որ նա «Օդնոկլասնիկի» ինտերնետային կայքի  միջոցով ծանոթանալով Գ.Կ-ի հետ հանդիպել է այնուհետեւ օգտվելով անօգնական վիճակից բռնաբարել: Բացի այդ,  սպառնալով վերջինիս մասին հրապարակել արատավոր տեղեկություններ շորթմամբ հափշտակել է 1,7 մլն դրամ արժողության 120 գրամ ընդհանուր կշռով ոսկյա զարդեր:

Երեւանի Էրեբունի եւ Նուբարաշեն վարչական շրջանների ընդհանուր իրավասության դատարանից NEWS.am-ը տեղեկացավ, որ սույն գործը քննվել է իրենց մոտ: Անչափահաս տուժող Գ.Ց-ը դատարանին հայտնեց, որ ամբաստանյալ Գ. Կ-ի հետ ծանոթացել է  «Օդնոկլասսնիկի» ինտերնետային կայքի միջոցով: Հերթական հանդիպումներից մեկի ժամանակ գիշերը ժամը 02–ի սահմաններում, Գ-ը իրեն հրավիրել է հյուրանոց` սուրճ խմելու: Սկզբում ինքը հրաժարվել է, սակայն հետո նա համոզել է, որ ուղղակի սուրճ կխմեն եւ ինքը համաձայնվել է, քանի որ նախկինում որեւէ միջադեպ տեղի չի ունեցել: Իրենք գնացել են հյուրանոց եւ մտել նրա համարը: Այդ օրը Գ-ն ավելի աշխույժ է եղել, մտնելով սենյակ դուռը բանալիով փակել է եւ միանգամից խոսել սիրո թեմաներով, իրեն սեր է խոստովանել եւ համոզել, որ ամուսնանան: Ինքն ասել է, որ դեռ 15 տարեկան չկա: Այնուհետեւ Գ-ն նրան բռնությամբ բռնաբարել է, ինչի ընթացքում ցավից աղջկա ուշքը անցել է: Սթափվելով ինքը տեսել է կողքին պառկած Գ-ն, ապա վեր կացել եւ հագնելով հագուստները, դուրս է եկել հյուրանոցից: Հյուրանոցի տարածքում վազելով իրեն է մոտեցել Գ-ը, սկսել համոզել, որ կատարվածի մասին ոչ մեկի չպատմի, սպառնացել է նրա մասին տեղեկություններ տարածել, ստիպել, որ աղջիկը իրեն տա տան զարդերը: Ի դեպ, Գ-ն նույն կերպ ծանոթացել եւ թալանել է նաեւ Գ.Կ-ի բարեկամուհուն Է.Կ-ին:

Դատարանը Գ.Կ-ին ճանաչել մեղավոր ՀՀ քրեական օրենսգրքի 138 հոդվածի 2 մասի 3–րդ կետով, ՀՀ քրեական օրենսգրքի 178 հոդվածի 1–ին մասով եւ ՀՀ քրեական օրենսգրքի 182 հոդվածի 1–ին մասով նախատեսված հանցանքներում: Հանցանքների համակցությամբ նշանակված պատիժները մասնակիորեն գումարելու միջոցով, Գ.Կ-ի նկատմամբ վերջնական պատիժ նշանակել ազատազրկում 7  տարի ժամկետով: Դատավճիռը բողոքարկվել է վերաքննիչ դատարանում, որը դեկտեմբերի 21-ին վճիռը թողել է անփոփոխ: Սույն որոշումը կարող է բողոքարկվել ՀՀ վճռաբեկ դատարան` հրապարակվելու պահից մեկամսյա ժամկետում: