ArmStar.am ի տեղեկություններով՝ Աննա Հարությունյանի մարմնավորած կերպարը  հնչունավորել է Ստանիսլավսկու անվան ռուսական դրամատիկական թատրոնի դերասանուհի Տաթևիկ Մելքոնյանը:

«Ես այլ տարբերակ չունեի, իմ կողմից ոչ մի այլ ելք չկար: Այն քայլերը, որոնք կկանխեին իմ որոշումը, իրենց կողմից արդեն պետք է արվեր, ես բացի օրենքին դիմելուց, այլ տարբերակ չունեմ»,-ArmStar.am-ի հետ զրույցում նշեց Աննան:

Դերասանուհին նաև ավելացրեց, եթե անգամ օրենքն իր կողմից չլինի, նա դա չի համարի պարտություն, որովհետև պարտվել կլիներ այն դեպքում, երբ նա ոչինչ չասեր ու նստեր տանը: «Չնայած ես վստահ եմ, այս պարագայում օրենքը մեր կողմից է, ճշմարտությունը ջրի երես է դուրս գալու»: 

Դերասանուհու խոսքերով նրան նույնիսկ չէին հրավիրել պրեմիերային, իսկ ինչ վերբերում է PR  քայլին Աննա նշեց. «Իհարկե գուցե այս ամենը նաև PR քայլի է նման, բայց բոլոր նրանք, ովքեր այդ կերպ են մտածում, գուցե հոբեբանական խնդիրներ ունեն, ինձ ճանաչողները  չեմ կարծում որ այդպես մտածեն»: Աննան այժմ  իր ընկերների հետ է, ովքեր էլ փորձում են դուրս բերել դերասանուհուն ստեղծված իրավիճակից.  «Ես որպես մարդ հիմա հոգեբանական ծանր իրավիճակում եմ: Ինձ համար այս բացասական իրավիճակները պարզապես կյանքի փորձ են, հիմա տխրում եմ, քանի որ կյանքն ինձ ստիպեց այլևս չհավատալ մարդկանց»,-նշեց դերասանուհին:

Հուսահատ դերասանուհին զրույցի վերջում ավելացրեց. «Այսօր ես եմ այս վիճակում, վաղը մյուս դերասանը կլինի, ես կոչ եմ անում բոլոր դերասաններին վերափոխել այս վիճակը, որովհետև եթե այսօր ես իմ իրավուքները չպաշտպանեմ, վաղը իմ երկիրը չեմ պաշտպանի, ես ուրախ եմ, որ ես այնքան ուժ ունեմ, որ դեմ եմ դուրս գալիս, այլ ոչ թե գլուխս ավազի մեջ մցնում: Ես հպարտանում եմ ինձանով, որ կարողացա այս դժվարին վիճակից դուրս գալ»:

Չնայած մեզ չհաջողվեց կապ հաստատել «Չեզոք Գոտի» ֆիլմի ռեժիսոր Արտակ Զիլֆիմյանի հետ, բայց մեզ հասած տեղեկություններով Արտակն այս ամենի մեջ մեղադրում է Աննային և նրա ընտրյալ Տիգրան Շահինյանին, վերջինս հետ ռեժիսորը բավական խնդիրներ ունի, որոնք դեռ պետք է պարզաբանվեն, բայց ոչ դատարանի միջամտությամբ:

Պարզեց  Սիրանուշ Գրիգորյանը/ArmStar.am/