Այսօր՝ ապրիլի 20-ին, ավտովթար է տեղի ունեցել Լոռու մարզում: Ժամը 00:10-ի սահմաններում Վանաձոր քաղաքի բնակիչ, 22-ամյա Աշոտ Ապրեսյանը, վարելով Mercedes մակնիշի 34 PO 786 համարանիշի ավտոմեքենան, Վանաձոր քաղաքում՝ Թթու ջուր կոչվող տարածքում, դուրս է եկել ավտոմեքենայի երթևեկելի գոտուց և մոտ 3 մետր բարձրությունից ավտոմեքենան շրջվելով գլիխվայր՝ հայտնվել է գետում:

Ինչպես հայտնում է ֆոտոլրագրող Գագիկ Շամշյանը, մինչ դեպքի վայր կժամանեին ՀՀ Արտակարգ իրավիճակների նախարարության Լոռու մարզային փրկարարական վարչության ճգնաժամային կառավարման կենտրոնի օպերատիվ խումբը, վարորդին ավտոմեքենայից դուրս են բերել քաղաքացիները, որին էլ տեղափոխել են Վանաձորի բժշկական կենտրոն:

Բժիշկների գնահատմամբ, վարորդի առողջական վիճակը գնահատվում է միջին ծանրության:
Վթարի վայր են ժամանել Ճանապարհային ոստիկանության 2-րդ սպայական գումարտակի 5-րդ վաշտի աշխատակիցները՝ վաշտի հրամանատար Վարդան Նարգիզյանի, հրամանատարի տեղակալ Մարտիկ Բալայանի գլխավորությամբ:

Փաստի առթիվ Ոստիկանության քննչական գլխավոր վարչության Լոռու մարզի քննչական բաժնում նյութեր են նախապատրաստվում:

վ

http://shamshyan.com