30-ամյա Էմիո Տոմեոնին համացանցում տեղադրել է մի տեսանյութ այն մասին, թե ինչ է պատահում, երբ ինքն ու որդին տանը մենակ են մնում: Էմիոն տեսանյութը պատրաստել է իր կնոջ` 31-ամյա Ստեֆանի Ռամոսի համար, որպեսզի վերջինս տեսնի այն «քաոսը», որը տիրում է տանը այն ժամանակ, երբ ինքը աշխատանքի է: Սկզբում հյուրասենյակը վերածվում է խաղահրապարակի: Էմիոն և նրա 1.5 տարեկան որդին` Խավիերը ուրախ ժամանակ են անցկացնում` խաղում տարբեր խաղալիքներով, իսկ վերջում հայրիկը խնամքով հավաքում է ամբողջ սենյակը: Տեսանյութն ավարտվում է «Մենք սիրում ենք քեզ մայրիկ, դու մեր ամեն ինչն ես» արտահայտությամբ: Շատ մարդիկ են արձագանքել այս տեսանյութին: Ոմանք նշել են, որ Էմիոն «Տարվա Հայրիկն է»: