Հանրային հեռուստաընկերությունում փետրվարի 5-ին ավարտվել է հունվարի 14-ից հայտարարված «Պատանի պարողների Եվրատեսիլ 2013-ին» մասնակցելու համար հայտերի ընդունումը: NEWS.am. STYLE-ի թղթակցի հետ զրույցում Եվրատեսիլի հայկական պատվիրակության ղեկավար Գոհար Գասպարյանը հայտնեց, որ կա պոտենցիալ  21 մասնակից, որոնք համապատասխանում են բոլոր չափանւշներին: Մյուս շաբաթ` հանգստյան օրերին, Հ1-ով կհեռարձակվի «Պատանի պարողների Եվրատեսիլ 2013-ի» հայաստանյան ընտրության առաջին փուլը:

Իսկ եզրափակիչ փուլը կկայանա փետրվարի 23-ին Հանրային հեռուստատեսության ուղիղ եթերում: Դրան կմասնակցեն 8-10 կատարողներ: Իսկ թե ով կներկայացնի Հայաստանը «Պատանի պարողների Եվրատեսիլ 2013-ին», կորոշի պրոֆեսիոնալ ժյուրին:

Հիշեցնենք, որ հունիսի 14-ին Լեհաստանի Գդանսկ քաղաքում տեղի կունենա «Պատանի պարողների Եվրատեսիլ 2013» մրցույթը, որին առաջին անգամ կներկայանա Հայաստանը: 

NEWS.am STYLE