ՀՀ ԱԻՆ կայքը տեղեկացնում է, որ այսօր գիշերը ավտովթար է տեղի ունեցել Երևանի Նալբանդյան և Արամի փողոցների խաչմերուկում: 

Դեռևս չպարզված հանգամանքներում իրար են բախվել «Ֆոլցվագեն» մակնիշի 14 ՏՕ 811 և «Օպել» մակնիշի 30 ՏԼ 173 համարանիշների ավտոմեքենաները, ինչի հետևանքով «Ֆոլցվագենի» վարորդ` 1971 թ. ծնված Գրիգոր Նազարյանը, ով հանդիսանում է Հայաստանի Հանրային հեռուստաընկերության գործադիր տնօրենի տեղակալ, երաժշտական և ժամանցային ծրագրերի գծով «Մանկական Եվրատեսիլ 2011» -ի պրոդյուսեր, և ուղևոր` 1971 թ. ծնված հայտնի շոումեն Մարկ Սաղաթելյանը, տեղափոխվել են թիվ 1 Համալսարանական հիվանդանոց:

Բժիշկների գնահատմամբ` տուժածների առողջական վիճակը ծանր է:

Լուսանկարները` Գագիկ Շամշյանի 

 

 

 

 Zham.am