Շփման ունակությունն անընդհատ պետք է զարգացնել ու կատարելագործել։ Որքան հետաքրքիր լինի ձեզ հետ շփվելը, այնքան ավելի մեծ հնարավորություններ կբացվեն։ Բայց ցանկալի զրուցակից լինելու համար հետաքրքրությունների բազմազանությունից ու գեղեցիկ խոսքից բացի մի փոքր էլ զսպվածություն է անհրաժեշտ՝ որոշ սխալներից խուսափելու համար։ Ահա դրանցից հիմնականները.

1. Պարծենկոտություն

Ոմանք վստահ են, որ պարծենալով նոր մեքենայով կամ մեծ շահույթով, տպավորություն կգործեն շրջապատի վրա։ Մասամբ սա ճիշտ է։ Դրանք տպավորություն կթողնեն, բայց ոչ այն, ինչ սպասում էին։ Երբ ինչ-որ մեկը գիտակցաբար փորձում է բարձրացնել իրեն, անմիջապես աչքի է զարնում, եւ որպես կանոն այդպիսի ջանքերը միանգամայն հակառակ ազդեցություն են ունենում։

2. Չափազանց շատ խորհուրդներ

Բոլորն էլ սիրում են խորհուրդ տալ։ Զարմանալի բան չկա։ Երբ ինչ-որ մեկը ձեզ իր խնդիրներն է պատմում, առաջինը մտածում եք նրան աջակցելու, ձեր տեսակետն արտահայտելու, փորձով կիսվելու մասին, սակայն երբեմն մարդ պարզապես արտահայտվելու ցանկություն է ունենում։ Սովորեք խուսափել մեկնաբանություններից, եթե զգում ենք, որ դրանք կարող են ավելորդ լինել։ Սովորաբար մարդիկ իրենք են խորհուրդ հարցնում, եթե դրա կարիքն իրոք ունեն։

3. «Իսկ ես… իսկ ինձ… իսկ ինձ մոտ…»

Կան մարդիկ, ովքեր միայն մի թեմա կարող են քննարկել՝ շատ սիրելի սեփական անձը։ Ցանկացած խոսակցություն նրանք շրջում են իրենց մասին մենախոսության։ Դա նյարդայնացում է։ Ահա ձեզ տհաճ զրուցակցի պիտակ պարգեւող մի քանի միջոց.

ա) Անվերջ ընդհատում եք զրուցակցին «Դա դեռ ի՜նչ է, այ ինձ մոտ» արտահայտությամբ ու սկսում եք ձեր պատմությունը պատմել։

բ) Զրուցակցկին լսելու փոխարեն պարզապես սպասում եք խոսելու ձեր հերթին։

գ) Փորձում եք ցանկացած խոսակցություն շրջել ձեզ հետաքրքրող թեմայով ու անընդհատ դրանից եք կառչում, նույնիսկ երբ այն արդեն սպառվել է։

դ) Չափից շատ եք խոսում։

4. Բամբասանք

Ծանոթի հետ որոշե՞լ եք քննարկել ձեր ընդհանուր բարեկամին կամ ընկերուհուն։ Այդ դեպքում մի զարմացեք, եթե դա նրա հետ ձեր վերջին զրույցը լինի։ Բամբասելն ու շրջապատը քննարկելն ամեն մեկը չի սիրում։ Անկասկած, նման խոսակցությունները մյուսների նկատամամբ առավելության զգացողություն են տալիս, բայց միեւնույն ժամանակ նաեւ բազմաթիվ բացասական պահեր են ներառում։ Դրանք ձանձրալի են, անօգուտ ու տհաճ նստվածք են թողնում։ Դրանից բացի, եթե ուրախությամբ եք քննարկում մյուսներին, ձեր զրուցակիցը կարող է մտածել, որ բավական է ինքը հեռանա, եւ դուք կսկսեք նաեւ իրենից բամբասել, իսկ դա կսպանի ձեր հետ շփվելու ցանկությունը։

5. Հաճելի զրուցակցի տպավորություն թողնելու ցանկություն