Զլատոուստ քաղաքում նախօրեին հայտնաբերվել է 22-ամյա կնոջ դիակ` բռնի մահվան հետքերով:

Դեպքի վայրի զննության ժամանակ կնոջ վզի շրջանում հայտնաբերվել են դանակով պատճառված վնասվածքներ, իսկ կողքին՝ մանկահասակ երեխա: Փոքրիկն առողջ է, եւ նրա կյանքին վտանգ չի սպառնում:

Սպանվածի մոր խոսքերով՝ սեպտեմբերի 4-ին աղջիկն իր 9 ամսական տղայի հետ դուրս էր եկել զբոսնելու եւ չէր վերադարձել: Որոնողական աշխատանքներում անմիջապես ներգրավվել են ոստիկանության աշխտակիցներն ու կամավորներ: Աղջկա դիակը հայտնաբերվել է տան մոտ` թփերի մեջ: