Գիտնականները պնդում են, որ «սեռական ակտի ժամանակ հանկարծակի մահը», որպես կանոն, պատահում է սիրուհիների հետ հանդիպելիս, այլ ոչ թե տանը:

Իտալիայի Ֆլորենցիայի համալսարանի գիտնականները հետազոտել են տղամարդկանց սրտի կաթվածների պարբերականությունը և հանգամանքների ենթահողը: Հետազոտության ժամանակ հատուկ ուշադրություն է դարձվել «դավաճանություն» և «սեռական ակտ» եզրերին, հաղորդում է takzdorovo.ru-ն:

Արդյունքում պարզվել է, որ մահացու և ոչ մահացու ինֆարկտ հազվադեպ է տեղի ունենում կնոջ հետ սեռական ակտի ժամանակ: Միանգամայն ավելի հաճախ դա տեղի է ունենում սիրուհու հետ կապի դեպքում:

Գիտնականների եզրահանգումները, հիմնականում չեն փայլում յուրահատկությամբ` պատճառը խրոնիկ սթրեսն է, որը պայմանավորված է մեղքի գիտակցությամբ և «ձախ» հարաբերությունները թաքցնելու անհրաժեշտությամբ: Նաև այն, որ որպես կանոն, «ձախ» սիրային հանդիպումները ուղղորդվում են ալկոհոլ կամ այլ խթանիչներ օգտագործելով:

«Սիրուհու հետ ակտիվ սեքսը վտանգավոր է նաև նրանով, որ, որպես կանոն, նրանք շատ ավելի երիտասարդ են քան տղամարդիկ և ավելի շատ էներգիա են պահանջում: Իսկ արտաամուսնական կապի պարագայում առկա վտանգի զգացումը զգալիորեն բարձրացնում է արյան ճնշումը, որի հետևանքով և տեղի են ունենում ինֆարկտները», - մեկնաբանում են գիտնականները: