Շվեդաբնակ կինոռեժիսոր Սյուզան Խարդալյանը 2012 թվականին ներկայացրեց իր «Տատիկիս դաջվածքները» ֆիլմը: Ֆիլմում ռեժիսորն իր ընտանիքի, մասնավորաբար տատիկի ողբերգական պատմության միջոցով մի ամբողջ ժողովրդի ապրածի ու վերապրածի մասին է պատմում` բացահայտելով, որ թուրք վայրագները չէին բավարարվել հայ կանանց սպանելով, խոշտանգելով ու բռնաբարելով: Կենդանի մնացած կանանց նրանք «դաջել էին» ամբողջ կյանքի համար: Ֆիլմը ցուցադրվել է «Ալ Ջազիրա» հեռուստաալիքով: