Օրգանիզմում ինչ-որ բան է տեղի ունենում: Դեռ երեկ դու զզվանքով էիր նայում կաբաչկայի խավիարին, իսկ այսօր դու դա շա՞տ ես ցանկանում ուտել: Դեռ երեկ դու մեծ հաճույքով էիր ամուսնուցդ լիլիաների փունջ ընդունում, իսկ այսօր այդ ծաղիկների հոտից սի՞րտդ խառնում է: Ին՞չ է կատարվում քո օրգանիզմում: Դու գնում ես բժշկի և նա քեզ ուրախալի լուր է հայտնում «Շնորհավորում եմ, դուք հղի եք»:

Սիրտդ սկսում է արագ բաբախել և քո մոտ մի շարք հարցեր են առաջանում և դու ցանկանում ես ստանալ դրանց պատասխանները: Շտապելուց մոռանում ես հարցնել ամենակարևորը: Ի՞նչ չի կարելի ուտել հղիներին: Մանավանդ, որ հղիության ընթացքում ուտելիքի հանդեպ նախասիրություններդ փոխվում է: Եթե մինչ հղի լինելը դու գիտեիր, ինչն է օգտակար ինչը ոչ, որովհետև ուտում էիր դա ամեն օր, ապա նոր նախասիրությունների մասին դեռ պետք է պարզել:

Սնունդը մեծ նշանակություն ունի, քանի որ այն ինչ դու ուտում ես անցնում է քո փոքրիկի օրգանիզմով: Այսպիսով պետք է ուտել այն ինչ օգտակար է և համեղ: Պետք չէ զրկել քեզ ամեն ինչից և ուտել այն, ինչ օգտակար է քո փոքրիկին: Եթե դու գարեջուր խմելու ցանկություն ունենաս կարող ես մեկ կում խմել քո ամուսնու բաժակից, բայց ոչ ավելին:

Ինչ չի կարելի ուտել հղիներին և ինչ չի կարելի խմել:

Չի կարելի

-Ցիտրուսային մրգեր, քանի որ դրանք կարող են ալերգիա առաջացնել

-Սուրճ և շոկոլադ

-Ալկոհոլ և գազավորված ըմպելիքներ

-Չիպսեր, ֆաստֆուդ

-Պահածոներ, որոնց մեջ աղի չափաբաժինը շատ է

-Աղը դա առանձին թշնամի է

-Քացրավենիք և շաքար

-Հում միս, ձուկ, ձու

-Տարբեր տեսակի կիսաֆաբրիկատներ

-Երշիկեղեն

Բացի արգելվածներից կան նաև մթերքներ, որոնք խորհուրդ չեն տրվում ուտել: Բնաջարեղենը պետք է մի լավ լվանալ, խաշել, նոր ուտել: Պետք է ժամանակավորապես մոռանալ սոուսների, կետչուպի և մայոնեզի մասին:

Ձեր սիրելի մթերքներից պետք է հրաժարվել ընդամենը մի քանի ամիս: Արժե՞ արդյոք այդ մի քանի ամիսների համար վտանգել ձեր փոքրիկի կյանքը: