«Մոսկվա» կինոթատրոնը գտնվում է Երևանի սրտում՝ Աբովյան փողոցի վրա:

Կինոթատրոնի շենքը հին Երևանի շքեղ ճարտարապետական ամբողջության անբաժան մասնիկն է:

Կինոդահլիճների ակուստիկան հասցված է կատարելության Dolby Digital Surround EX համակարգի միջոցով:

Այստեղ Դուք հնարավորություն ունեք դիտել ֆիլմեր նաև ամառային կինոդահլիճում:

Ֆիլմերը ցուցադրվում են շաբաթվա յուրաքանչյուր օր՝ սկսած ժամը 11-ից:

Սովորաբար ֆիլմերը ցուցադրվում են ժամը 11-ից հետո՝ ամեն երկու ժամը մեկ. կեսօրին՝ 1-ին, 3-ին, 5-ին, և երեկոյան՝ ժամը 7-ին և 9-ին: Նոր ֆիլմերի, ցուցադրումը, սովորաբար, տեղի է ունենում երեկոյան ժամերին՝ 7-ին և 9-ին: Հետագայում դրանք ցուցադրվում են ավելի վաղ ժամերին՝ իրենց տեղերը զիջելով ավելի թարմ ֆիլմերին:

Ներկայիս գործող դահլիճը կահավորված է հարմարավետ բազկաթոռներով:

Կինոդահլիճներում չի թույլատրվում ծխել:

Կինոթատրոնն առաջարկում է բացօթյա և շենքի ներսում գտնվող սրճարաններ, որոնք աշխատում են ամառվա ընթացքում, ինտերնետային և համակարգչային ծառայություններ, խաղային մեքենաներ, ձայնա և տեսաերիզների խանութ, որտեղից կարող եք ձեռք բերել գեղարվեստական և գիտական ֆիլմեր, երաժշտություն:

Ներսում գտնվող սրճարանում առկա են ժամանակակից կահույքը և լուսավորչական ձևավորումը:Բացօթյա սրճարանը տեղակայված է պատշգամբում, որտեղից էլ բացվում է հիանալի տեսարան դեպի Շարլ Ազնավուրի հրապարակ և Աբովյան փողոց: