Ամառային արձակուրդներ և հանգիստ, շատ ազատ ժամանակ: Ինչով զբաղվելու հարցը շատերը լուծում են ֆիլմ դիտելով: Այս 10 ֆիլմերի ցուցակը նախատեսված է հատուկ կանանց համար:

1. «Նախաճաշ Տիֆանիի մոտ»

Արդեն դասական դարձած այս ֆիլմը պատմում է մի խաբեբա աղջկա, կանացի խորամանկության և իսկական սիրո մասին: Անկրկնելի Օդրի Հեփբերնը, ում նայելն արդեն մեծ հաճույք է, այս ֆիլմն ավելի գրավիչ է դարձնում: Թեթև ու բարի մելոդրաման անտարբեր չի թողնի ոչ մի կնոջ. բացի այդ մտածելու տեղիք կտա, քանի որ ֆիլմում իրեն օգտակար խորհուրդ կգտնի ցանկացած կին:

2. «Ջիա»

Սա հայտնի մոդելի ինքնատիպ ֆիլմ է՝ հիմնված իրական դեպքերի վրա: Համաշխարհային հռչակ ձեռք բերելով' Ջիան չկարողացավ հաղթահարել բոլոր գայթակղությունները, որ հանդիպեցին իր ճանապարհին: Բայց իր կարճատև կյանքի ընթացքում այս կինն իսկական կուռք դարձավ: Նրա պատմությունը ցանկացած կնոջ համար դաս է: Իսկ հիասքանչ Անջելինա Ջոլին Ջիա Կարանջիի դերում ֆիլմի գլխավոր առավելություններից է:

3. «Ֆրիդա»

Բավականին ծանր, բայց անսահման գեղեցիկ ֆիլմ ուժեղ և տաղանդավոր Ֆրիդայի մասին, ում հիանալի խաղացել է Սալմա Հայեքը: Ծանր հիվանդություն, երեխայի կորուստ, մեծ արվեստ և խենթ ու կործանող սեր. այս ամենը մի կնոջ կյանք է: Պատմություն, որ ամեն մեկը պետք է իմանա: Ֆիլմը շատ բաց տեսարաններ ու կադրեր ունի, որտեղ տեղ են գտել Ֆրիդա Կալոյի աշխատանքները:

4. «Կասաբլանկա»

1942 թվականին նկարահանված այս ֆիլմը չի կորցնում իր արդիականությունը մինչև այսօր: Սիրո և դժվար ընտրության մասին այս գեղեցիկ պատմությունը պատմում է Կասաբլանկայում խաղատան տիրոջ և իր սիրած էակի մասին, որը խնդրում է իր սիրելիին գողանալ փաստաթղթեր իր ամուսնու՝ Վիկտորի համար: Սա, թերևս, կինեմատոգրաֆի պատմության մեջ ամենասրտառուչ մելոդրաման է:

5. «Սեր և աղավնիներ»

Սա մի ֆիլմ է, որ ծանոթ է գրեթե բոլորին: Եվ առանձին գովասանքի կարիք չունի: Բասյա Կուզյակին, Ռաիսա Զախարովնա, Նադյա, երեխաներ և աղավնիներ. իսկական կյանքն ինչպես որ է: Կենսախինդ ու հիանալի ֆիլմը կարող է պատասխաններ տալ բազմաթիվ հարցերի:

6. «Մթության մեջ պարողը»

Բավականին անսովոր ֆիլմ, որի գլխավոր դերը կատարել է հանրահայտ երգչուհի Բյորքը: Ցնցող ու ողբերգական այս ֆիլմը պատմում է գրեթե կույր չեխ գաղթական կնոջ մասին, որն ապրում է հանուն իր երեխայի: Բյորքի կատարմամբ հիանալի երգերը ֆիլմը վերածում են կինոարվեստի իսկական գլուխգործոցի:

7. «Դաշնամուր»

Կրկին երաժշտությամբ լի այս ֆիլմի իրադարձությունները տեղի են ունենում 19-րդ դարի կեսին: 6 տարեկանից համր Ադան, որի ձայնին փոխարինելու է գալիս դաշնամուրը, հայտնվում է բարդ իրավիճակում՝ գալով աշխարհի մյուս ծայրում գտնվող ամուսնու մոտ: Գրավիչ ու դինամիկ այս ֆիլմը պետք է տեսնի յուրաքանչյուր կին:

8. «Մաքուր բանականության հավերժական փայլը»

Ջիմ Քերիի դերակատարմամբ այս ֆիլմը գրավել է միլիոնավոր աղջիկների սրտերը: Մի սարք, որ կարող է ջնջել հիշողությունը, բայց անկարող է ջնջել իսկական սերը: Այս ֆիլմը համարվում է բոլոր ժամանակների ամենագեղեցիկ մելոդրամաներից մեկը:

9. «Բրիջիտ Ջոնսի օրագիրը»

Ուրախ, թեթև, կենսախինդ, մի փոքր տխուր. ահա թե ինչպես կարելի է բնութագրել այս ֆիլմը, որ ժամանակակից կանանց համար ուղեցույց է դարձել: Իսկ Ռենե Զելվեգերի խաղը պարզապես հիանալի է:

10. «Ընթերցողը»

Հետաքրքիր, հիշվող ու ողբերգական մելոդրամա: Միխաիլ Բերգը հիշում է իր կյանքի տարբեր դրվագներ կապված մի կնոջ՝ նացիստուհի Հաննայի հետ: Սեր և դավաճանություն, երջանկություն և արցունքներ, պատերազմի տարիների դաժանություններ և մարդկային պարզ զգացմունքներ: Յուրաքանչյուր մարդ պետք է դիտի այս ֆիլմը: