Առանց բարձրագույն կրթության միլիարդատեր հաճախ է պատահում: Բիլ Գեյթս, Սթիվ Ջոբս, Մարկ Ցուկերբերգ, նրանք բոլորը թողել են իրենց հեղինակավոր համալսարանները` հանուն բիզնեսի։ Սակայն ներկայիս հարուստների թվում կան նաև դպրոցը չավարտած անձիք։ 

Սեպտեմբերի 1-ին ընդառաջ Forbes-ը կազմել է այն միլիարդատերերի տասնյակը, որոնք չունեն դպրոցական կրթություն։

Ամանսիո Օրտեգա

Inditex ընկերության հիմնադիր

Կարողությունը՝ 57 մլրդ դոլար

Իսպանացի գործարարը մոլորակի ամենահարուստ մարդկանցից է։ Zara, Mussimo Dutti, Oysho բրենդների սեփականատերը դպրոցը թողել է 13 տարեկանում՝ ընտանիքին օգնելու համար, որը վատ էր ապրում։

Լի Կաշին

Cheung Kong Group ընկերության ղեկավար

Կարողությունը՝ 31 մլրդ դոլար

Ասիայի ամենահարուստ մարդկանցից մեկը ծնվել է աղքատ ուսուցիչների ընտանիքում։ Երբ լրանում է Լիի 14 տարին, մահանում է նրա հայրը, և երեխան ստիպված է լինում թողնել դպրոցը և աշխատանք գտնել։
 

Ֆրանսուա Պինո

Kering ընկերության ղեկավար 
 

Կարողությունը՝ 15 մլրդ դոլար

Մի անգամ Պինոն խոստովանել է, որ կրթության մասին իր միակ վկայականը վարորդական իրավունքն է։ Նա դպրոցը թողել է 16 տարեկանում։

Ռիչարդ Բրենսոն

Virgin Group կորպորացիայի ղեկավար

Կարողությունը՝ 4.6 մլրդ դոլար

Նրան դպրոցից վտարել են 16 տարեկանում՝ վատ սովորելու համար։ Դպրոցի տնօրենը նրան ասել էր.«Հաջողություն Ռիչարդ, դու կամ բանտ կընկնես, կամ հեքիաթային հարուստ կդառնաս»։

Ջո Լյուիս

Tavistock Group-ի հիմնադիր

Կարողությունը՝ 4.2 մլրդ դոլար

Երբ բրիտանացին 15 տարեկան էր, նրա հայրը տանում է նրան իր հետ աշխատանքի։ Այդպես էլ նա թողնում է դասագրքերը և դառնում մատուցող։ Այսօր արդեն նա մասնաբաժիններ ունի ավելի քան 150 ընկերությունում, ունի 135 ռեստորան, նույնիսկ՝ ֆուտբոլի ակումբ։

Քըրք Քրքորյան

Tracinda Corporation-ի նախագահ
 

Կարողությունը՝ 3.3 մլրդ դոլար
 

Հայազգի գործարարը թողել է դպրոցն 8-րդ դասարանում։ Այդ ժամանակ նա սկսում է ակտիվ սպորտով զբաղվել և երազում էր մարզիկի կարիերայի մասին։ Սակայն երկարատև «սիրավեպ» պրոֆեսիոնալ սպորտի հետ չստացվեց։ Երկրորդ համաշխարհային պատերազմին ընդառաջ նա տարվում է ավիացիայով։ Իսկ դրանից հետո արդեն ուսման ժամանակ չկար։

Այժմ նա 96 տարեկան է, հպարտորեն կրում է «Լաս Վեգասի արքա» կոչումը և նախկինի պետ հետաքրքրվում բոքսով՝ արդեն որպես հանդիսատես։

Դևիդ Մերդոկ

Dole Food Company-ի ղեկավար

Կարողությունը՝ 2.4 մլրդ

Նա դպրոցը թողել է 9-րդ դասարանում և անցել աշխատանքի բենզալցակայանում։ Իսկ այսօր արդեն Մերդոկը գլխավորում է մրգերի և բանջարեղենի արտադրությամբ զբաղվող աշխարհի խոշորագույն ընկերությունը։

Կառլ Լինդներ

American Financial Group, глава Uninted Dairy Farmers-ի հիմնադիր
 

Կարողությունը՝ 1.7 մլրդ դոլար

Նրա մանկությունը համընկել է ԱՄՆ-ում «Մեծ ընկճախտի» ժամանակահատվածի հետ, և 14-ամյա Կառլը ստիպված էր թողնել դպրոցը՝ կաթի ցիստերններ տեղափոխելու համար։