Հետաքրքիր Փաստեր Երեքշաբթի, 08.07.2025, 15:10
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Չինաստանում դեռահասն 8 մարդ է սպանել

Ի՞նչ անել անկողնում չհոգնելու համար

Սուրճն աչքերը պաշտպանում է համակարգչից

Ամերիկուհուն հեռացրել են աշխատանքից մեծ կրծքերի պատճառով

Մոսկվայում բացվել է Քեյթ Մոսի եւ Միլա Յովովիչի էրոտիկ լուսանկարների ցուցահանդեսը /ֆոտո/

“Victoria’s Secret”-ը նոր “հրեշտակ” ունի /ֆոտո/

Օրական քանի՞ անգամ են տղամարդիկ եւ կանայք մտածում սեքսի մասին

[Անիմացիա]
Սեղմիր Класс

Անհանգստության զգացումը կարող է 6 տարով ծերացնել

Ո՞ր դեպքում է ամռանը սեքսով զբաղվելը հակացուցված. բժիշկ-սեքսոլոգ

Այսօր Վարդավառի տոնն է

Ինչպես են ծերանում Հոլիվուդյան աստղերը (ֆոտո)

Երեւանում մի խումբ տղաներ տաքսու վարորդին տարել են անցումի տակ եւ ծեծի ենթարկել

Չինաստանում 6.2 կգ-անոց երեխա է ծնվել

Հռիփսիմե Հակոբյանը հարսանիքի է պատրաստվում

Ինտելեկտը բարձրացնելու 5 միջոց

[Անիմացիա]
paster.do.am Жми КЛАСС

Ամառային նախաճաշ «Պանրային գնդիկներ» 20.06.2012

Մայր և դուստր վերգտել են իրար 50 տարի բաժանումից հետո Facebook-ի միջոցով

Поиск
Главная » 2012 » Հուլիս » 12 » 14-ամյա տղան սեռական բնույթի բռնի ոտնձգություն է կատարել 8-ամյա տղայի նկատմամբ. մամուլ
10:51
14-ամյա տղան սեռական բնույթի բռնի ոտնձգություն է կատարել 8-ամյա տղայի նկատմամբ. մամուլ
14-ամյա տղան սեռական բնույթի բռնի ոտնձգություն է կատարել 8-ամյա տղայի նկատմամբ. մամուլ
«168 ժամը» գրում է, որ հուլիսի 6-ին Կոտայքի մարզի Սոլակ գյուղում դաժան դեպք է տեղի ունեցել` 8-ամյա տղա երեխայի հանդեպ 14-ամյա տղայի կողմից սեռական բնույթի բռնի գործողություններ են կատարվել:

Գյուղի որոշ բնակիչներ մեզ հետ զրույցում պնդում էին, որ բռնաբարություն է տեղի ունեցել, սակայն, ինչպես ավելի ուշ պարզվեց` դրանք որակվել են որպես սեռական բնույթի բռնի գործողություններ:

«Հուլիսի 6-ից սկսած գյուղում սովորականից տարբերվող իրարանցում է»,- պատմել է գյուղի բնակչուհին, որի կրպակով սկսվում է Սոլակի գյուղամեջը: Նրա խոսքերով, ուրբաթ օրը` հուլիսի 6-ից սկսած, գյուղ անընդհատ Ոստիկանության մեքենաներ են եկել, հարցուփորձ արել բնակիչներին: Երեկ գյուղի բնակիչները խուսափում էին կատարվածի մասին խոսել: Մարդիկ վախեցած էին, մի մասը տեղյակ չէր, իսկ մեծամասնությունը լուռ տխրություն էին ապրում ու չէին ցանկանում խոսել դաժան այդ դեպքի մասին: Բնակիչները, դեպքի մասին մեր հարցումներին ի պատասխան` մատնացույց էին անում այն տունը, որտեղ բնակվում էր հանցագործության մեջ կասկածվող 14-ամյա տղան: Տանը այդ պահին գտնվող կինը 14-ամյա տղայի տատիկն էր: Սկզբում նա զայրացավ մեր հարցից, այնուհետև տեղեկանալով, որ լրատվամիջոց ենք ներկայացնում` ասաց. «Իմ թոռս մաքուր ա, լրիվ փաստաթղթերը մաքուր են, սա ընդամենը երկու կանանց վեճ է եղել, ուրիշ ոչ մի բան, ու դա ոչ մեկի գործը չի, մենք իրենց հետ լավագույն հարևաններ ենք` դա եղել է ու կլինի էդպես, իսկ երեխի հերն ու մերը տանը չեն, երեխեն էլ տանը չի, գնա քու գործին»: Նրանց հարևան բակում նստած մի խումբ մարդկանցից փորձեցինք ճշտել տուժած երեխայի ընտանիքի տան տեղը, բայց ապարդյուն: Քիչ անց, սակայն, անցորդ մի կին տուժած երեխայի տունը ցույց տալով` մատնացույց արեց այն տունը, որտեղ քիչ առաջ հավաքված մարդիկ ժխտում էին, որ նման դեպք է տեղի ունեցել: Տուժող տղայի տատիկը մեզ տեսնելով` կոպտելով փակեց իրենց երկհարկանի առանձնատան դարպասը: Կատարվածի մասին պարզաբանումներ ստանալու նպատակով հանդիպեցինք Սոլակի գյուղապետ Բադալ Սարգսյանին: Վերջինս զերծ մնաց մեկնաբանություններից` նշելով, որ դեպքի մասին նախընտրում են ամեն բան գաղտնի պահել: Գյուղապետը նաև ավելացրեց, որ իրեն նույնպես վերջնականապես հայտնի չէ, թե իրականում ի՞նչ է պատահել:

Այցելեցինք Կոտայքի մարզային ոստիկանություն: Այստեղ մեզ տեղեկացրեցին, որ հուլիսի 6-ին Սոլակ գյուղից ահազանգ է ստացվել, որ 14-ամյա մի տղա սեռական բնույթի բռնի գործողություններ է կատարել 8-ամյա տղա երեխայի նկատմամբ, որի արդյունքում տղան կալանավորվել է, և սկսվել է նախաքննություն: Գործը քննող քննիչ Արման Հարությունյանի հետ զրուցել չհաջողվեց, քանի որ տեղում չէր: Քիչ անց Ա. Հարությունյանը մեզ հետ հեռախոսազրույցի ընթացքում նշեց, որ գործը սովորական չէ, այլ անչափահասների և սեռական բնույթի բռնի գործողությունների հետ է առնչվում, և իրենք նախընտրում են դեռևս ոչ մի մեկնաբանություն չտալ, և մեզ խորհուրդ տվեց դիմել «02» շաբաթաթերթին, որին տրվել են գործի նյութերը: ՀՀ ոստիկանության լրատվական ծառայությունից, սակայն, մեր զանգին ի պատասխան` ասացին, որ դեպքի մասին տեղեկություններ չունեն:

Այդպես էլ չհստակեցվեց` տեղի ունեցած դաժան դեպքը որակվել է որպես բռնաբարությո՞ւն, թե՞ սեռական բնույթի բռնի գործողություններ: Պարզ է միայն, որ երկու դեպքում էլ անձի համար նախատեսվող պատասխանատվությունը վրա է հասնում 14 տարեկանից, քանի որ կատարվել է անչափահասի նկատմամբ, այսինքն` կասկածյալը կպատժվի օրենքի ողջ խստությամբ, եթե հաստատվի նրա մեղավորությունը: Նախաքննության ավարտին ամեն բան պարզ կդառնա:

Հաճախ այսպիսի դեպքերից հետո նոր հանցագործություններ են կատարվում` վրեժի հողի վրա: Գյուղի տաքսիստը զայրացած ասում էր, թե ինչպես կվարվեր ինքը, եթե իր երեխայի նկատմամբ նման ոտնձգություն տեղի ունենար: «Կսպանեի դրան, տղամարդը այլ կերպ վարվել չի կարող, երեխուն դժբախտացնողը պիտի պատասխան տա, բոլորն էլ գիտեն ու բոլորն էլ լռում են»,- ասում էր զայրացած վարորդը: Մեր տեղեկություններով` 14-ամյա տղան և նրա հայրը դռնփակ դատական նիստի ընթացքում դատարանի որոշմամբ կալանավորվել են: Ընդ որում, նույն աղբյուրների համոզմամբ` դպրոցի ուսուցչական կոլեկտիվից մեկը դիմել էր դատարանին, որպեսզի չկալանավորեն հանցագործությունը կատարած 14-ամյա տղային:

Գյուղացիների և տուժող տղայի պահվածքը, նրանց լռությունը և հասկանալի էր, և անբացատրելի: Եվ կատարված դաժանության ցավը, և խայտառակ լինելու վախը նրանց չէր թողնում խոսել: Մյուս կողմից, սակայն, ստացվում է, որ սեփական ձեռքերով մարդիկ թաղում են ճշմարտությունը` խուսափելու համար գյուղում խայտառակվելուց: Այն դեպքում, երբ նման երևույթները պետք է հրապարակավ դատապարտել, որպեսզի նման դեպքեր տեղի չունենան: Տուժածը պետք է տեսնի, որ մեղավորը պատժվել է, ոչ թե լուռ ապրի նրա կողքին:
Просмотров: 688 | Добавил: Irin | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2025