Հետաքրքիր Փաստեր Կիրակի, 11.01.2026, 16:36
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Ձերբակալվել է 9-ամյա աղջկա սպանության կասկածյալը (ֆոտո)

Թշվառների սեւ-սպիտակ լուսանկարների հոյակապ շարք՝ Լիի Ջեֆրիզից

Կրեմլը ցանկանում է բարձրացնել հայաստանցիների թոշակները

Եվրո-2012-ի աստղերի նախկին և ներկա ընկերուհիները(Ֆոտոշարք)

Մանկատնից փախել է 15-ամյա հղի սանուհին

Նեւա գետում խորտակվել է արագանավը

[Անիմացիա]
Անհաջող Թռիչք 2

Կարիճը խայթել է 5 տարեկան աղջկան. նրա վիճակը ծայրահեղ ծանր է

Թուրքիա մի գնացեք, հայերի ոսկորները կտրորեք. միջազգային մամուլ

Գիտնականները բացահայտել են սիրո ու կրքի տարբերությունը մարդու ուղեղում

Հագուստով կանայք «ձգում» են տղամարդկանց

25-ամյա հղի կնոջ եւ նրա նորածնի մահվան գործով ձերբակալվել, ապա` կալանավորվել է բժիշկ-անեսթեզիոլոգը

Վրաստանում կրակել են ՀՀ քաղաքացու վրա. վերջինս տեղափոխվել է Էրեբունու հիվանդանոց

Շակիրան և Պիկեն երեխայի են սպասում

Ադրբեջանցի զինծառայողը զոհվել է հայկական տարածքում մարտական առաջադրանք կատարելի՞ս

Անհաջող սիրային կապ. ինչպես հասկանալ

[Իրական կադրեր (ՎԻԴԵՈ)]
ԴԱԺԱՆ ԿԱԴՐԵՐ. Թալիբները գնդակահարում են կնոջը(ՎԻԴԵՈ)

Հաջողվել է փրկել Դավիթաշենի կամրջից ինքնասպանության փորձ կատարող տղամարդու կյանքը

Ֆիլիպ Կիրկորովը կրկին հայր է դարձել

Поиск
Главная » 2013 » Март » 25 » 15-ամյա աղջկա հետ կենակցելու համար տուգանք` 150 հազար դրամի չափով
17:39
15-ամյա աղջկա հետ կենակցելու համար տուգանք` 150 հազար դրամի չափով
38-ամյա Ռոբերտ Հարությունյանին և 35-ամյա Սամվել Գրիգորյանը  2011թ. դեկտեմբերից մինչև 2012թ. փետրվար ամիսն ընկած ժամանակահատվածում սեռական հարաբերություն են ունեցել անչափահաս` 15-ամյա Տ. Գ.-ի հետ:

Ամբաստանյալ Ռ. Հարությունյանն իրեն մեղավոր չի ճանաչել և ցուցմունք է  տվել այն մասին, որ անցած տարի, ձմռանը, Տ. Գ.-ի եղբայրը հանդիպել է իրեն և խնդրել, որ իրենց փայտը բենզասղոցով կտրի: Պատճառաբանելով, որ ինքը հիվանդ է և չի կարողանում նման աշխատանքներ կատարել, խնդրել է Ս. Գրիգորյանին, որպեսզի միասին գնան փայտ կտրելու: Փայտը կտրելուց հետո մտել են Տ. Գ.-ի հայրական տանը հարակից վագոն-տնակ, հաց են կերել ու ինքը թողել է, հեռացել:

Այդ ժամանակ նկատել է, որ Տ. Գ.-ն համակրանքով է նայում Ս. Գրիգորյանին: Միաժամանակ Տ.-ի մայրը` Ա. Մ.-ն, իրեն հայտնել է, որ պանրի շիճուկը կարող է տանել իր խոզերի համար: Դրանից հետո 4-5 օրը մեկ գնացել է Տ. Գ.-ի հայրական տուն` շիճուկ տանելու: Այդ օրվանից սկսած Տ.-ն հաճախակի էր գնում Նավուր գյուղ, որպեսզի հանդիպի Ս. Գրիգորյանին: Ս. Գրիգորյանն իրեն շատ է օգնել, նրան վճարել է, որպեսզի իր համար որոշակի աշխատանքներ կատարի: Բացի այդ Տ.-ն հաճախակի է եկել իր տուն և այնքան սպասել, մինչև Ս. Գրիգորյանը գա, որպեսզի միասին գնան իրենց տուն: Մի անգամ Տ.-ի հորը` Վ. Գ.-ին, վառարան տեղադրելուն է օգնել: Չի իմացել, որ Տ.-ն անչափահաս է, բայց իմացել է, որ դպրոցական տարիքի է: Ինքը Տ. Գ.-ի հետ սեռական հարաբերություն չի ունեցել և նման բան չի առաջարկել: Մոտ 4-5 տարի առաջ հիվանդացել է էպիլեպսիայով, որի պատճառով սեռական թուլություն ունի, անկարող է:

Ամբաստանյալ Ս. Գրիգորյանն իրեն մեղավոր է ճանաչել մասնակիորեն և ցուցմունք տվել այն մասին, որ մի անգամ գնացել է Տ.-ց տուն, ուշ ժամ է եղել, վերջինիս մայրն առաջարկել է իրենց տանը գիշերել: Միևնույն սենյակում անկողին է բացել, որտեղ գիշերում էր նաև Տ. Գ.-ն և այդ ժամանակ գիշերն անց է կացրել Տ.-ի հետ: Տաթևիկի հետ երկու անգամ է անկողին մտել, սակայն սեռական հարաբերություն չի ունեցել, ուղղակի սիրել է, քանի որ իմացել է, որ դպրոցական է: Տ.-ի մայրը տեղյակ է եղել, որ ինքն աղջկա հետ անկողին է մտել: Ոստիկանությունում իմացել է, որ Տ.-ն կույս չէ, մինչ այդ չի իմացել և դրանից հետո էլ չի ցանկացել ամուսնանալ:

Դատարանի համոզմամբ` ամբաստանյալների մեղքն առաջադրված մեղադրանքում հիմնավորված է հետևյալ ապացույցներով.

Գործով տուժող Տ. Գ.-ի ցուցմունքով, այն մասին, որ 2011թ. դեկտեմբերին, ամսաթիվը չի հիշում, Ռ. Հարությունյանն եկել է իրենց տուն և խնդրել, որ գնա իրենց հողամասում առկա վագոն-տնակ, իրեն ասելու բան ունի:

Գնացել է պայմանավորված վայր, այնտեղ է եկել նաև Ռոբերտը և իր հետ առաջին անգամ սեռական հարաբերություն ունեցել: Իր հետ շատ կոպիտ է վարվել, Ռոբերտն է հանել իր շորերը, ինքը գոռացել է, պաշտպանվել, օգնություն խնդրել, սակայն իրեն ոչ ոք չի լսել: Դրանից հետո իրեն վախեցրել է, որ կծեծի, եթե կատարվածի մասին   հայտնի: Երկրորդ անգամ` 2012թ. հունվարին, ամսաթիվը չի հիշում, նույն ձևով կանչել է ու նորից նույն վայրում սեռական հարաբերություն ունեցել իր հետ: Վախեցել է, այդ պատճառով է գնացել: Երրորդ անգամ` 2012թ. փետրվարին, ամսաթիվը չի հիշում, ժամը 19:30-ից մինչև 20:00-ն ընկած ժամանակահատվածում, գնացել է իրենց վագոն-տնակ, քիչ հետո եկել է նաև Ռոբերտը և իր հետ սեռական հարաբերություն ունեցել: Նրա ցուցմունքով` Ռոբերտը կարողանում է նորմալ սեռական հարաբերություն ունենալ և ստում է, որ իբր անկարող է:

Ռոբերտի հետ սեռական հարաբերություն է ունեցել իր կամքին հակառակ: Ռոբերտը նույնիսկ իրեն խփել է, աչքի շրջանում կապտուկ է առաջացել և մորը ստել է, թե ընկել է: Իրեն անմեղությունից զրկել է Ռոբերտ Հարությունյանը: Դրանից հետո Ռոբերտը Սամվել Գրիգորյանի հետ եկել է իրենց տուն ու իրեն ծանոթացրել Սամվելի հետ: Դրանից հետո շատ հաճախակի են երկուսով եկել իրենց տուն: Նոր տարին դիմավորելու համար Սամվելն իրեն տարել է իր տուն ու հետո վերադարձրել: Մի անգամ Սամվելը գիշերել է իրենց տանը: Առաջին անգամ Սամվելի հետ սեռական հարաբերություն է ունեցել այդ ժամանակ: Սամվելը նպատակ է ունեցել գնալ ԼՂՀ` մշտական բնակվելու և որոշ փաստաթղթեր կարգավորելու համար գումար է հարկավոր եղել: Սամվելն իր ծնողներից գումար է խնդրել ու ինքն անձամբ գումարը տարել է Սամվելի բնակարան և հանձնել վերջինիս ու գիշերել Սամվելի հետ: Սամվելի հետ սեռական հարաբերություն ունենալուց հետո դադարել է հարաբերություն ունենալ Ռոբերտի հետ: 

Նախաքննական բացատրություններում նա հայտնել է, որ Ռոբերտ Հարությունյանի հետ սեռական հարաբերություն է ունեցել իր կամքին հակառակ, որի ժամանակ նա իրեն մարմնական վնասվածք է հասցրել, սակայն հետագայում տված ցուցմունքներում նշել է, որ այդպես է ասել, որ Ռոբերտի վիճակը ծանրանա: Իրականում ամեն ինչ եղել է իր կամքով և սկսվել է նրանից, որ Ռոբերտը համբուրել է իր շուրթերը և հրավիրել իրենց հողամասի ծայրին գտնվող վագոն-տնակ, որտեղ էլ, իր կամքով, առաջին անգամ սեռական հարաբերություն է ունեցել նրա հետ: Դրանից հետո ևս 2 անգամ հանդիպել է նրա հետ և իր կամքով սեռական հարաբերություն ունեցել նրա հետ:

Դատարանն ամբաստանյալ Ս. Գրիգորյանի պատասխանատվությունն ու պատիժը մեղմացնող հանգամանք է դիտել նրա խնամքին մինչև 14 տարեկան հինգ երեխաների և չաշխատող կնոջ առկայությունը և հաշվի է առել այն, որ նա բնութագրվում է դրական, մասամբ ընդունում է մեղքը, հանցագործության կատարմանը նպաստել են տուժողի ծնողները` նրան թույլ տալով իրենց տանը գիշերել իրենց անչափահաս աղջկա հետ:

Դատարանի որոշմամբ` Ռ. Հարությունյանը մեղավոր է ճանաչվել ՀՀ քրեական օրենսգրքի 141 հոդվածով և նրան դատապարտել տուգանքի 150.000 ՀՀ դրամի չափով: Նրա նկատմամբ ընտրված «Ստորագրություն չհեռանալու մասին» խափանման միջոցը թողնել անփոփոխ, նշանակել նյարդահոգեբույժի հսկողություն:

Ս. Գրիգորյանը մեղավոր է ճանաչվել ՀՀ քրեական օրենսգրքի 141 հոդվածով և նրան դատապարտել տուգանքի 150.000 ՀՀ դրամի չափով: Նրա նկատմամբ ընտրված «Ստորագրություն չհեռանալու մասին» խափանման միջոցը թողնել անփոփոխ:


Aysor.am

Просмотров: 782 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2026