Նորապսակ զույգը ապացուցել է, որ ամուսնանալու համար պետք չէ ճոխ ծախսեր անել:

Ջեորջինա Պորտեոսն ու Սիդ Ինեսը կազմակերպել են իսկական հարսանիք` ծաղիկներով, մատանիներով, հարսանեկան տորթով, նույնիսկ լուսանկարիչ են հրավիրել: Եվ դա ընդամենը 1.5 դոլարով: Նրանց պսակադրությանը հաջորդել է պիկնիկը` ըմպելիքներով, ուտեստներով, ջազ երաժշտությամբ և այս ամենը ընդամենը այդքան քիչ գումարով: Ըստ հարսանեկան օրենքի` զույգն ընդամենը ստիպված է եղել վճարել հավելյալ 105 դոլար:

Մեծ Բրիտանիայում, ընդհանրապես, հարսանիք անելու համար անհրաժեշտ է մոտ 30.000 դոլար:

Իսկ ինչում է կայանում այսքան էժան հարսանիքի գաղտնիքը: Բանն այն է, որ հարսանիքի մատանիները պատրաստված են եղել եղջերու պոզերից, որ Ջեորջինան գտել է իր տան այգում:

Զույգը հյուրերին խնդրել է իրենց հետ բերել ուտելիք և ըմպելիք: Արդյունքում սեղանին եղել են աղցաններ, եփած կարտոֆիլ, հաց և այլն:

Լուսանկարիչը անվճար նկարել է զույգին, քանի որ հարսը նրան օգնել է ֆիլմի պատրաստան հարցում:

Հարսի շորը` freecycle.com կայքից:

Հարսանեկան տորթը պատրաստել է Ջեորջինայի հորաքույրը, իսկ ջազ երաժշտությունը ապահովել է նրա տաղանդավոր հայրիկը: