Քաղցկեղը մեր ժամանակների հրեշն է, որի մասին, ինչպես և առհասարակ բոլոր հրեշների մասին, գոյություն ունեն մի շարք սխալ պատկերացումներ: Քաղցկեղի շուրջ տիրող շփոթությունն այնքան է տարածվել, որ երբեմն թյուր կարծիքները դուրս են մղում այդ հիվանդության մասին ճշմարիտ գիտելիքներն ու փաստերը: Ձեզ ծանո՞թ է այն պատմությունը, թե իբր ամբողջ գիշեր բջջային հեռախոսով խոսելուց հետո մի երեխա ուղեղի քաղցկեղ է ստացել, կամ չափից շատ հեծանիվ քշելուց մի ուրիշ երեխա հիվանդացել է ամորձիների քաղցկեղով: Նման թյուրիմացությունները բազմաթիվ են ու բազմազան , և ճշմարտությունն իմացող ոչ մեկը կարծես, չի փորձում հերքել նման անհեթեթությունները:
Քաղցկեղի մասին ճշգրիտ գիտելիքների արժեքն անգնահատելի է, որովհետև որքան շատ բան իմանանք այդ պատուհասի մասին , այնքան ավելի կառավարելի այն կդառնա: 
Քաղցկեղի մասին ստորև բերված թյուր կարծիքները բազմիցս հերքվել են իրազեկ բժիշկների կողմից: Ուստի, ընթերցեք դրանք և փորձեք ձեր շրջապատում ճիշտ տեղեկություններ տարածել: Դրանցով դուք մեծ լավություն կանեք մարդկանց:

1. Կրծքի քաղցկեղով տառապում են միայ կանայք

Եթե որևէ մեկը ձեզ հավաստիացնի, որ կրծքի քաղցկեղի զոհ են դառնում միայն կանայք, չհավատաք այդ մարդուն: Բժշկական հետազոտությունները բազմիցս ապացուցել են, որ նույնիսկ ամենանվազ տղամարդկանց մերձպտուկային հյուսվածքները պարունակում են պոտենցիալ քաղցկեղածին անոթներ: Վիճակագրական կանխատեսումների համաձայն` յուրաքանչյուր տարի շուրջ 1500 տղամարդու մոտ ախտորոշվում է քաղցկեղ և, նրանցից 500-ը դառնում են այդ չարիքի զոհը`անկախ մկանային հյուսվածքից կամ ճարպաշերտի հաստությունից: Այնպես որ հիշեք. թեև ավելի սակավաթիվ կաթնածորաններ ունենալու պատճառով կրծքի քաղցկեղի առաջացման հավանականությունը տղամարդկանց շրջանում ավելի ցածր է, բայց իրական վտանգը, այնուամենայնիվ առկա է:

2. Վնասակար միջատների դեմ օգտագործվող միջոցները կարող են քաղցկեղ առաջացնել

Եթե ձեր բնակարանում խավարասերներ են հայտնվել, դուք մեղավոր չեք, սակայն դուք պետք է հոգ տանեք դրանցից ազատվելու համար: Նման դեպքերում ամենահաճախ օգտագործվող միջոցը վնասակար միջատների դեմ օգտագործվող աէրոզոլն է : Սակայն, հարց է ծագում, եթե այդ քիմիկատներն ընդունակ են ոչնչացնել միջատներին, արդյո՞ք դրանք անվտանգ են մարդկանց համար: Կարելի է ասել` այո: Վնասակար միջատների բնաջնջման համար օգտագործվող քիմիկատների հետ երկարատև շփումն իր կործանարար հատկությունը դրսևորել է մկների հետ կատարվող փորձերում: Սակայն, եթե դուք մասնագիտությամբ միջատներ ոչնչացնող չեք, անհանգստանալու կարիք չկա: Ընդհանուր առմամբ արժե սահմանափակել շփումընման քիմիկատների հետ և հետևել սրվակի վրա գրված նախազգուշական հրահանգներին, սակայն մրջյուններին քաղցրեղենից հեռու պահելու համար սառնարանի կողքին պահվող աէրոզոլինի փոքրիկ սրվակը ձեզ չի սպանի:

3. Վիրահատությունը նպաստում է քաղցկեղի տարածմանը

Վիրահատական դանակով չարորակ ուռուցքին դիպչելիս` քաղցկեղածին բջիջները կարող են արյան միջով տարածվել ամբողջ օրգանիզմում, իսկ բիոպսիայի միջոցով կարելի է խուսափել այդ վտանգից: Սա նույնպես թյուրիմացություն է: Վիրաբույժները ծայրահեղագույնս ճշգրիտ են աշխատում և կարող են հեռացնել ուռուցներն ու քաղցկեղածին գոյացություններն` առանց հիվանդությունը տարածելու: Եթե որևէ մեկն այլ բան պնդի, ապա չարաչար կսխալվի: Ուրեմն, մի սարսափեք վիրաբույժի դանակից: Այն կարող է փրկել ձեր կյանքը:

4. Քաղցկեղը ժառանգական հիվանդություն է

Կրծքի, հաստ աղիքի ր ուղիղ աղիքի քաղցկեղն այս հիվանդության այն հազվագյուտ տարատեսակներից է, որ կարող է փոխանցվել ժառանգաբար: Մեծ մասամբ քաղցկեղի առաջացումը կապված է ռիսկային այլ գործոնների հետ , սակայն քաղցկեղը կարող է առաջանալ նաև անբացատրելի պատճառներից: Եթե մարդը ծնողներից ժառանգում է հիվանդության գենը, դա նշանակում է, որ նրա` քաղծկեղով հիվանդանալու հավանականությունը պարզապես ավելի մեծ է, քան այն մարդկանց մոտ, ովքեր նման գեն չեն ժառանգել: Այնպես որ, անհանգստանալու կարիք չկա, եթե ձեր քեռին կամ հորեղբայրը հիվանդացել են քղցկեղով, դա դեռևս չի հաստատում, որ դուք նույնպես կհիվանդանաք: