Հետաքրքիր Փաստեր Կիրակի, 07.06.2026, 04:03
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Օրական երկու բաժակ գինին կբարելավի ձեր կյանքը

Ավտովթար Երևան-Գյումրի ճանապարհին. կա զոհ և վիրավորներ (ֆոտո)

Դերասան Քյուբի Գուդինգ կրտսերին փնտրում է ոստիկանությունը

Աշխարհի ամենագեղեցիկ կանանցից մեկը մինչ այժմ հայտնի է եղել իր կեղծանունով

Սոցկայքերում շփվելն ավելի լավ է, քան սե՞քսը

«ԱրմենՏել»-ի բաժանորդները, գտնվելով ռոումինգում ցանկացած երկրում, կարող են ստանալ անվճար զանգեր

Ամռանն ավելի շատ ամուսնական զույգեր են ամուսնալուծվում

[Անիմացիա]
Բալետի Պարուհին

Ռոնալդուն գիշերային ակումբ է բացել

Մայրը խեղդել է 4-ամյա որդուն ամուսնուց վրեժ լուծելու համար

Մեկ գիշերվա սեքսը կարող է լուրջ հարաբերությունների սկիզբ դառնալ. հետազոտություն

Նեւա գետում խորտակվել է արագանավը

Հայտնի կանանց հարսանեկան զգեստները (լուսանկարներ)

Ջրի վրայով քայլող ռոբոտ է ստեղծվել

Ինչպես ազատվել բերանի վատ հոտից`պարզ միջոց

Անհանգստության զգացումը կարող է 6 տարով ծերացնել

Հայ երիտասարդին դաժանաբար սպանել են Տոլյատիում

Սերժ Սարգսյանը Լոնդոնում դիտել է Հայաստանի մարզիկների մրցելույթները

Դիետա` տղամարդկանց պոտենցիայի համար

Поиск
Главная » 2013 » Апрель » 22 » Աբովյանցի «Բիճ» Գագոն կծել-պոկել է ծանոթի ականջը
08:19
Աբովյանցի «Բիճ» Գագոն կծել-պոկել է ծանոթի ականջը

Կոտայքի մարզի ընդհանուր իրավասության դատարանում Մեսրոպ Մակյանի նախագահությամբ ավարտվել է Գագիկ Բունիաթյանի գործի դատավարությունը:

Նախկինում 5 անգամ դատապարտված, «Բիճ» մականունով աբովյանցի 40-ամյա Գագիկ Բունիաթյանը վերջին պատժաժամկետը կրելուց հետո կալանավայրից ազատվել է 2011 թվականի հոկտեմբերի 18-ին: Իսկ վեցերորդ գործով կալանքի տակ է առնվել 2012 թվականի մարտի 13-ին:

2011-ին կալանավայրից դուրս գալուց հետո Գագիկը մշտական բնակության վայր չի ունեցել, մնացել է տարբեր ծանոթների բնակարաններում և, ի նշան երախտագիտության, որոշ տներից կատարել է հափշտակություններ:

Մասնավորապես, Աբովյան քաղաքում ծանոթանալով Բորիս Վարդանյանի հետ՝ Գագիկը խնդրել է թույլատրել, որ ժամանակավորապես բնակվի նրա տանը: 

Վարդանյանի կինը հանրապետությունից բացակայում էր, և Վարդանյանը չի մերժել ծանոթի խնդրանքը: Համաձայնություն ստանալով՝ Բունիաթյանը 2011 թվականի դեկտեմբերի վերջերից մինչև 2012 թվականի հունվարի 25-ը ապրել է Վարդանյանի տանը և մոտ 2 միլիոն 311 հազար դրամի կենցաղային ապրանքներ է հափշտակել այնտեղից:

Ապրանքների մի մասը տեղափոխելու ժամանակ նա մոլորության մեջ է գցել անչափահաս Ա.-ին, տարել է իր հետ, ցուցում տվել, որ նա սպասի Վարդանյանի բակում, որից հետո ինքը մտել է բնակարան, դուրս բերել որոշ իրեր, այդ թվում՝ ճաշասեղան, էլեկտրական վառարան և այլն: Պատահական «Երազ»-ով ապրանքները տեղափոխել է, ի պահ հանձնել տարբեր ծանոթներին, հետո տարել անհայտ ուղղությամբ:

Տանտիրուհին, Հայաստան վերադառնալով, իր բնակարանը չի ճանաչել: Հետաքրքրվել ու պարզել է, որ ամուսնու ծանոթը՝ «Բիճ» մականունով Գագիկն է տարել իր ու աղջկա ունեցվածքը: Ճաշասեղանն ու էլեկտրական վառարանը նա գտել է Գագիկի ծանոթի տանը և հետ է վերցրել:

Բունիաթյանը պնդել է, թե Վարդանյանի տնից ինքը հափշտակություն չի կատարել: Լսել է, որ հանրակացարանում ապրող համագյուղացին մահացել է: Գնացել է նրանց տուն, տեսել է՝ սեղան չունեն, որոշել է Վարդանյանի տան ճաշասեղանը նրանց տուն տանել, որ կարողանան արարողությունները կատարել: Մի քանի այլ ապրանքներ էլ է տարել նրանց տուն: 

Հանգուցյալի հարազատներն էլ պնդել են, թե իրենք Գագիկից սեղան չեն ուզել, արարողությունները տանը չեն կատարել, իսկ Գագիկի բերած ապրանքները դրել են իրենց տանը, մինչև ապրանքների տիրուհին եկել է ու տարել:

Գագիկ Բունիաթյանը որոշ ժամանակ էլ ապրել է տուժող Արսեն Հակոբյանի օգնությամբ: Ըստ վերջինիս ցուցմունքի՝ ինքը խղճացել է ապրելու տեղ չունեցող Գագիկին, տարել է իր տուն: Կերակրել է, հագուստ տվել, պարբերաբար փոքր գումարներով օգնել: Հերթական անգամ Գագիկն է փող ուզել, ինքը մերժել է: Գագիկը սկսել է վիճել, «չափն անցել է», ու ինքը նրա թևից բռնելով՝ դուրս է հանել տանից:

Մի քանի օր հետո` 2012 թվականի փետրվարի 5-ին, Գագիկին հանդիպել է ծանոթի տանը: Գագիկը հարձակվել է իր վրա, ոտքերով, ձեռքերով հարվածներ հասցրել, հետո անսպասելի կծել-պոկել է իր ականջի վերին հատվածը: Արյունահոսելով՝ մի կերպ տուն է հասել:

Ըստ դատաբժշկական փորձաքննության եզրակացության՝ տուժողի առողջությանը պատճառվել է միջին ծանրության վնաս՝ դեմքի անջնջելի փոփոխությամբ՝ աջ ականջախեցու վերին գալարի բացակայությամբ:

Բացի այդ, Բունիաթյանը 2012 թվականի փետրվարի վերջերին, ուշ երեկոյան հանդիպել է իր ծանոթ Արտակ Խաչատրյանին, առաջարկել, որ միասին գնան մեկի տուն՝ ժամանակ անցկացնելու: 

Բունիաթյանը Խաչատրյանին պատվիրել է սպասել ծանոթի բակում՝ պատճառաբանելով, որ եթե նա տեսնի՝ ինքը մենակ չէ, դուռը չի բացի: 

Բունիաթյանը մոտեցել է Հրաչ Զոհրաբյանի բնակարանի դռանը, թակել, ասել է՝ բացեք, ոստիկանությունն է: Տանտերը բացել է դուռը: Բունիաթյանը ներս է խուժել, սեղանից վերցրել խոհանոցային դանակը, սպառնալով՝ տանտիրոջից հափշտակել նրա ոսկե մատանին ու ոսկե շղթան:

Դրսում կանգնած Խաչատրյանը, տեսնելով Բունիաթյանի գործողությունները, հեռացել է: 

Երկու օր անց Բունիաթյանն ու Խաչատրյանը հանդիպել են: Բունիաթյանը Խաչատրյանին է տվել հափշտակած մատանին ու շղթան, խնդրել է, որ նա վաճառի ու գումարը կիսի: Խաչատրյանը գայթակղվել է, ոսկեղենը տարել ոսկու շուկա, վաճառել և գումարը կիսել Բունիաթյանի հետ:

Տուժող Հրաչ Զոհրաբյանը ցուցմունք է տվել, որ Բունիաթյանին տեսել է Աբովյանի փայտի վաճառքի կետում: Անծանոթ երիտասարդը մոտեցել է, ներկայացել Գագո անունով, առաջարկել իր օգնությունը: Ասել է, թե էժան գնով փայտ կարող է բերել: Քանի որ առաջարկը ձեռնտու էր, ինքը համաձայնել է: Գագոն առաջարկել է, որ ինքը ցույց տա իր տան տեղը, որպեսզի նա փայտը կարողանա ուղիղ տուն բերել: Ինքը տարել, ցույց է տվել իր տան տեղը, Գագոն էլ ասել է, թե ինքը «Բիճ» Գագոն է, երեք-չորս օրից փայտը կբերի: Մի քանի օր հետո նա ոստիկանի անվան տակ ներխուժել է իր տուն, իր սեղանին դրված դանակով սպառնացել է ու հափշտակել իր մատի ոսկե մատանին ու պարանոցի ոսկե շղթան:

Գագիկ Բունիաթյանի մոտ դատաբժշկական փորձաքննության եզրակցությամբ հայտնաբերվել են վարքային խանգարումներ, դեղանյութերի օգտագործման հետևանքով կախվածության համախտանիշ: Խորհուրդ է տրվել, որ նրա նկատմամբ սահմանվի նարկոլոգի հսկողություն: Կալանավայրում գտնվելու ընթացքում նա ինքնավնասումներ է կատարել:

Դատարանը մի քանի դրվագ բազմաբնույթ հանցագործությունների համար մեղավոր է ճանաչել Գագիկ Բունիաթյանին ու վերջին հաշվով դատապարտել 10 տարի ազատազրկման: 

Ավազակային հարձակմամբ Գագիկի կողմից հափշտակված ոսկեղենն իրացնելու համար մեղավոր է ճանաչվել նաև Արտակ Խաչատրյանը և դատապարտվել 250 հազար դրամ տուգանքի:

1in.am
Просмотров: 609 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2026