Ագրեսիան Ադրբեջանում մեծ թափ է ստանում, այստեղ կրիմինալը շատ է, այսօր հրավիրված ասուլիսին ասաց հանցագործությունների փորձագետ Գալյա Երեմյանը:

Փորձագետը նշեց, որ իրենք այդ եզրակացությանն են եկել՝ 2004-ից առանձնակի վերլուծություն կատարելով տեղի լրատվությունն ադրբեջանական պաշտոնական կայքերում ներկայացված մասնակի դեպքերը։

«Հասարակությունը ագրեսիվանում է ոչ միայն հայերի նկատմամբ, այլ իրենք իրենց նկատմամբ»,- ասաց նա և նշեց, որ Ադրբեջանում ամենատարածվածը թմրանյութերի տարածումն է, սպանությունները և սեռական բնույթի հանցագործությունները: Ըստ նրա՝ բավական մեծ է ինքնասպանությունների թիվը՝ օրական 3-5 ինքնասպանություն է գրանցվում:

Փորձագետը տեղեկացրեց, որ criminalazerbaijan.com ռուսալեզու կայքում տեղադրվել է Ադրբեջանում տեղի ունեցած հանցագործությունների ընդհանուր պատկերը, որոնց մասին տեղեկությունները վերցվում են ադրբեջանական պաշտոնական կայքերից:

«Ադրբեջանում մեծացել է ծանր հանցագործությունների թիվը, որոնք կատարվում են սառը զենքով` կացնով: Նրանց կողմից իրականացված հանցագործությունները կրում են առավելապես դաժան բնույթ, քանի որ ադրբեջանցիներն ուղղակի չեն սպանում, այլ այդ հանցագործությունները կատարում են առավելապես դաժան ճանապարհով»,- ընդգծեց Երեմյանը: Նրա խոսքով` Ադրբեջանում մեծացել են սեռական բնույթի հանցագործությունները: Բռնաբարությունները դարձել են այդ երկրի պատժատեսակներից մեկը. «Օրինակ, ներկայացվում է հանցագործություն, ըստ որի, բռնաբարել են անչափահաս երեխա, որին մասնակից է դարձել նաև մի պատահական անցորդ: Դրանով սակայն չի սահմանափակվել, երեխայի հայրը և հորեղբայրը նույն ձևով են վրեժ լուծել»: 

Նրանց հասարակությունն ավելի է ագրեսիվացել. «Ադրբեջանում տարածված է նաեւ թմրամոլությունը, թմրանյութերի վաճառքը, որոնք հիմնականում գալիս են Աֆղանստանի տարածքից: Ադրբեջանում փոքր թիվ չեն կազմում ինքնասպանությունները: Միայն այս տարվա հունվարին տեղի է ունեցել 16 ինքնասպանություն, որոնց թվում`3 երեխաներ»:

zham.am