Կենտրոնական աֆրիկյան հանրապետության նախագահ Ֆրանսուա Բոզիզեն հանձնարարել է ձերբակալել սեփական որդուն, որը չի վճարել հյուրանոցներից մեկում «հանգրվանելու» դիմաց։ Այս մասին հայտնում է BBC Russian–ը։

Ինչպես հաղորդում է տեղական ոստիկանությունը, երկրի ղեկավարի որդին չի վճարել 13 հազար ԱՄՆ դոլարի հաշիվը՝ ԿԱՀ մայրաքաղաք Բանգիում գտնվող 5-աստղանի հյուրանոցում մի քանի գիշեր անցկացնելու համար։

Երկրի նախագահը նաև զգուշացրել է, որ բոլոր պաշտոնյաները, որոնք կհրաժարվեն վճարել իրենց հաշիվները, պատասխանատվության կենթարկվեն։

lurer.com