Այս աղցանի մեջ արքայախնձոր բացարձակապես չկա, այն անգամ քաղցր չէ… Հենց դրանով էլ Դուք անակնկալի կբերեք Ձեր հյուրերին:

«Արքայախնձոր» օրիգինալ աղցանը ստանալու համար մեզ հարկավոր է'

տավարի կամ խոզի եփած լեզու,
սալորաչիր,
ձու,
պանիր (հնարավորինս չոր),
մարինացված վարունգ,
կանաչ սոխ,
մայոնեզ:

Վերցնել օվալաձեւ աման, մեջը պատել մայոնեզով, դասավորել կանաչ սոխն այնպես, որ անանասի պոչիկ հիշեցնի:

Աղցանի առաջին շերտը խոշոր քերիչով անցկացրած կարտոֆիլն է, որի վրա քսում ենք մայոնեզը:

Երկրորդ շերտը բարակ-բարակ կտրատած լեզուն է, վրայից' դարձյալ մայոնեզ:

Երրորդ շերտը կտրատած սալորաչիրն է, որը ծածկում ենք մայոնեզով:

Վրայից ավելացնել քերիչով անկացված խաշած ձուն, ծածկել մայոնեզով: Վերջին շերտը քերած չոր պաանիրն է:

Շերտերը կրկնել եւս մեկ անգամ, աղցանին տալ արքայախնձորի ձեւը, ինչը օվալաձեւ ամանի մեջ այնքան էլ դժվար չէ, ծածկել մայոնեզի շերտով:

Աղցանը պատել մարինացված վարունգի բարակ շերտերով, ինչպես նկարում: Մեր «Արքայախնձորը» պատրաստ է:

Բարի ախորժակ: