Քո սենյակում գերակշռում են վարդագույնն ու ժանյակավոր գործվա՞ծքը։ Դա, անկասկած, հիանալի է, բայց ամուսինդ դժվար թե հավանություն տա քո նախասիրություններին: Պետք չէ հուսահատվել. դիզայներ Քիշենի Պերերան՝ Vintage Remix գրքի համահեղինակը, առաջարկում է կանացի սենյակ ունենալու մտահղացումներ, որն անտարբեր չի թողնի նաև տղամարդկանց:

Որքան հնարավոր է քիչ զարդարանք

Չափից դուրս շատ հուշանվերները նրա մոտ այնպիսի տպավորություն կառաջացնեն, ասես նա գտնվում է տուն-թանգարանում. այնպես որ, ընդամենը երկու կամ երեք հուշանվեր թող սենյակում: Բացի այդ, որքան ավելի քիչ են դրանք սենյակում, այնքան ավելի տպավորիչ ու գեղեցիկ են:

Ժամանակակից տարրեր ավելացրու

Խուսափիր խիստ կանացի դետալներից՝ ավելացնելով ժամանակակից զուսպ շեշտադրումներ: Ապակու և պլաստիկի համադրությունը խիստ նորաձև և միևնույն ժամանակ մատչելի լուծում է: Կարող ես ձեռք բերել այդ նյութից պատրաստված լամպեր կամ նույնիսկ սուրճի սեղանիկներ:

Ընտրիր վարդագույնի կատարյալ երանգ

Ո՞վ է ասում, թե վարդագույնը քո բնակարանում այլևս չի կարող տեղ գտնել: Պարզապես հարկավոր է ընտրել ճիշտ երանգ: Մենք խորհուրդ ենք տալիս այս վառվռուն վարդագույնը: Սակայն պետք չէ չարաշահել. սահմանափակվիր վարդագույն բարձերով և ծաղիկներով:

Հարմարավետ ու տաքուկ անկյուն ստեղծիր

Հարցրու ցանկացած տղամարդու և դու նույն պատասխանը կստանաս. նա կարող է ամբողջովին լիցքաթափվել, երբ հարմարավետ ու տաքուկ վայրում է նստած: Այնպես որ, թավշյա մեղմ գործվածքով ծածկված բազմոցն իդեալական լուծում է: Ստեղծիր հարմարավետ անկյուն, և նա միշտ քո կողքին կլինի:

cosmo.com