ԱՄՆ Կենտուկի նահանգի բնակչուհի Սավաննա Դիտրիխը կարող է ազատազրկվել իրեն բռնաբարողների անունները հրապարակայնացնելու համար:

Մի խնջույքի ժամանակ 17-ամյա աղջիկը հարբել է ու կորցրել գիտակցությունը: Օգտվելով դրանից`երկու անչափահաս տղաները բռնաբարել են նրան`ամբողջ ընթացքը հեռախոսով նկարահանելով:

Ապա տեսանյութը տարածել են իրենց ծանոթների շրջանում: Դիտրիխը տեղի ունեցածի մասին հայտնել է ոստիկանությանն, ու հանցագործությունը կատարած անչափահասներին ձերբակալել են: Նրանք խոստովանել են իրենց մեղքն ու դատապարտվել:

Սակայն Սավաննան համարելով, որ ոստիկանությունը տղաների նկատմամբ շատ մեղմ դատավճիռ է կայացրել, իր բլոգում պատմել է տեղի ունեցածն ու տվել իրեն բռնաբարողների անունները, չնայած ոստիկանությունում նրան բացատրել էին, որ անչափահասների հանցագործության մասին դատարանից դուրս պատմելն օրենքով արգելված է: Սավանային այժմ մեղադրում են դատարանին նկատմամբ անհարգանք ցուցաբերոլու համար, ինչը ենթադրում է 180 օրվա կալանք, ինչպես նաև տուգանք 500 դոլարի չափով. «Եթե ուզում եք կարող եք ինձ փակել, սակայն չեմ պաշտպանի նրանց, ովքեր իմ կյանքը դժոխքի են վերածել»,- այս առիթով հայտարարել է Սավանան: Գրում է New York Post-ը:

zham.am