Հայաստան-Իտալիա ֆուտբոլային հանդիպումից հետո հեռուստահաղորդավարուհի Նազենի Հովհաննիսյանի ֆեյսբուքյան գրառմանը հաջորդած մեկնաբանություններին միացավ նաեւ ԱԺ պատգամավոր Նաիրա Կարապետյանը:

Հիշեցնենք, որ Նազենի Հովհաննիսյանը, անդրադառնալով երեկ երեկոյան կայացած Հայաստան-Իտալիա ֆուտբոլային խաղին, ֆեյսբուքյան իր էջում հետևյալ գրառումն էր թողել. «…ՈՒղղակի չկարողացա ինձ զսպել և նկարեցի այն պահը, երբ խաղը դեռ չավարտված, մարդիկ ՝ հոտի նման, ոչխարի հոտի նման՝ թիկունքն արած դաշտին, լքում էին մարզադաշտը…Դավաճանությունը էլ պոզով է լինում, թե պոչով։ Ազգային հավաքականը դեր դաշտում շարունակում եր սպորտային պայքարը, իսկ ԱԶԳս ս…սրիկայի ամենավառ դրսեվորմամբ շարունակում էր հոտային ու սողունային ծանրաքարշությամբ հոսել դեպի ելքը…ներեցեք կոպտության համար, բայց պատկերն իրոք զազրելի էր՜»: Գրառմանը հաջորդեցին սուր, Նազենիին ուղղված վիրավորանքներով հեղեղված մեկնաբանություններ:

ԱԺ պատգամավոր Նաիրա Կարապետյանը եւս միջամտեց այս ընթացքին. «Նազ ջան, մի նեղվիր, բոլորս էլ ինչ-որ պահի էմոցիաների ճնշման տակ գերադրական բառերով ենք արտահայտում մեր զգացմունքները: Դու հայրենասեր մարդ ես, ու եթե նայես քոմենթ գրողների աչքերով, նրանցից շատերը արդար են: Վիրավորական էր երեկվա գրածդ, Նազ… «Ոչխար» գրածդ ես ինքս իմ աչքերով եմ կարդացել: Ու հենց դրանից ա գալիս քոմենթների այս տարափը…»:

Աղբյուր` LADYNEWS.am