Իրկուտսկ քաղաքի ակումբներից մեկի բեմում բաց գգվանքներ ու կոպիտ սիրային տեսարաններ պատկերող տեսագրությունը համացանցում հայտնվելուց հետո առաջացրել է օգտատերերի զայրույթը և նրանք դիմել են ոստիկանություն:

Խրախուսող բղավոցների ներքո, ուղղակի բեմի վրա աղջիկն իրեն անծանոթ ինչ որ մի տղամարդու հետ անբարո արարքներ է կատարում: Այդ ամենը տեսարանի մասնակիցները տեղավորում են մրցույթի շրջանակներում, իսկ հաստատության պատասխանատուները չեն հասցնում միջամտել ստեղծված կացությանը և դադարեցնել սանձարձակությունը:

Մինչ այդ ակումբի լրիվ սանձազերծված հաճախորդուհին ապշեցնում է ցնցված հանդիսականներին իր արարքով: Այդ տեսարանից պակաս զարմացած չեն նաև բեմում մերկ կանգնած պատանիները:

«Դա եղել է երկուշաբթի օրը, մենք տիրապետում ենք իրավիճակին: Ցավոք սրտի, ակումբի աշխատակիցները չեն կարողացել ժամանակին միջամտել: Մեզ մնում էր միայն այդ աղջկան ուղարկել տուն՝ սթափվելու: Մենք չենք կարող նրան տուգանել կամ ինչ-որ ձևով պատժել: Խոսք չկա, նա վարկաբեկել է մեր հաստատությունը: Բայց ես ձեզ հավատացնում եմ, այդպիսի դեպք մեր մոտ տեղի է ունենում առաջին անգամ: Ամենասարսափելին այն է, որ այն հաճախորդները, ովքեր դարձել են այդ տեսարանի ականատեսը, անընդհատ հարցնում են, արդյոք այդ աղջիկը նորից չի՞ գալու»,- ասել է «Ակոբամա» ակումբի ադմինիստրատորը: Նա հաստատել է, որ իրենց մոտ երբեմն հանում են հագուստները, սակայն բեմի վրա սեռական սանձարձակություններ կատարելը չափազանց է…

Հաստատության ղեկավարությունը պնդում է, որ ակումբ մուտք գործելու իրավունք ունեն 21 տարեկանից բարձր երիտասարդները, հետևաբար տեսագրության հերոսուհին չափահաս է: «lifenews.ru» կայքը գրում է, որ հենց այդ հարցը պարզաբանելու խնդրով էլ հիմա զբաղված է ոստիկանությունը:

«Այժմ իրականացվում են ստուգումներ: Մենք պետք է պարզենք, թե որ հաստատությունում է տեղ գտել դեպքը և գտնենք հերոսուհուն: Պետք է քննարկվի նաև ակումբի ղեկավարությանը պատասխանատվության ենթարկելու հարցը»:

pastinfo.am