Առջևում օձի տարին է, որը մեծ ուշադրություն է պահանջում իր հանդեպ: LN-ն առաջարկում է Նոր տարվան ընդառաջ պատրաստել համեղ ամանորյա աղցան` «Օձ»:

Անհրաժեշտ է`

Կարտոֆիլի պյուրե` 300 գ,

սունկ` 500 գ,

հավի կրծքամիս` 400 գ,

սոխ` 3 գլուխ,

մայոնեզ` 1 տուփ,

չոր պանիր` 150 գ,

չիփս` 100 գ,

ձեթ,

սերուցքային կարագ:

Զարդարելու համար`

կարմիր հատապտուղ,

լոլիկ կամ բուլղարական կարմիր պղպեղ,

մաղադանոսի թարմ տերև:

Պատրաստման եղանակը.

Պատրաստեք կարտոֆիլե պյուրեն, բայց ոչ ջրիկ: Հովացրեք այն և դրեք ափսեի մեջ` օձի ձև տալով:

Մանր կտրատեք սոխը և որոշ ժամանակ թողեք քացախի մեջ կամ կիտրոնի հյութի:

Այնուհետև կարտոֆիլի վրա դրեք սոխի մի մասը և վրայից մայոնեզ քսեք:

Սունկը տապակեք մնացած սոխի հետ ձեթով, ավելացրեք շատ քիչ կարագ: Թողեք՝ հովանա և դա դարձրեք աղցանի հաջորդ շերտը:

Եփած հավի կրծքամիսը կտրատեք մանր կտորներով: Լցրեք այն աղցանի վրա և համեմեք մայոնեզով: Աղցանի եւս մեկ շերտ պատրաստ է:

Հաջորդ շերտը կլինի չոր պանիրը: Քերիչի անցքերով անցկացրեք պանիրը, աղցանի ամբողջ երկարությամբ շաղ տվեք: Քսեք նաև մայոնեզ, տարածեք այն ամբողջ աղցանի մակերեսով:

Չիփսերը պետք է մանր փշրել և ցանել աղցանի վրա բոլոր կողմերից: Ամբողջական կտորներից օձի համար թագ սարքեք:

Օձի աչքերը կարող եք լոլիկից, կարմիր հաղարջից անել: Լեզուն կարող է կարմիր պղպեղից կամ լոլիկից լինել: Զարդարեք աղցանը նաև մաղադանոսի տերևներով:

Բարի ախորժակ:

LADYNEWS.am