Ամռանը բարդանում է նախաճաշի հարցը. շոգը չի տրամադրում ուտելու, բայց օրգանիզմի պահանջներն անտեսել պետք չէ: Հարկավոր է լինել ստեղծագործ եւ հետաքրքիր ու թեթեւ ուտեստներ ստանալ ձեռքի տակ եղած սիրելի մթերքներով:

Կարծում ենք՝ նաեւ ընտանիքի անդամները կգայթակղվեն, եթե առավոտյան սառնարանում հայտնաբերեն այս գունավոր պանրային գնդիկները: Դրանք պատրաստելու համար Ձեզ պետք կլինի ցանկացած տեսակի պանիր, որը կարող եք համադրել այլ սիրելի մթերքների հետ: Օրինակ, կարող եք խառնել հավասար չափաբաժիններով քերած պանիրն ու կաթնաշոռը, ստանալ գնդիկ եւ մեջը տեղադրել մի կտոր ընկույզ, մակերեսն էլ պատեք շատ մանր կտրատած սամիթով:

Աշխատեք թաց ձեռքերով, եւ Ձեր գնդիկներն ավելի կատարյալ կստացվեն:) Երեւակայելու հնարավորություններն անսահման են, պանրային գնդիկներ ստացեք նաեւ այլ համադրություններով… Թող նախաճաշը բարձրացնի ձեր տրամադրությունը: Բարի ախորժակ:

http://ladynews.am/