ԱՄՆ-ի Տեխաս նահանգի Հյուսթոն քաղաքի իտալական ռեստորաններից մեկի մատուցող Գրեգ Ռուբարն ապշել է, երբ ռեստորոնում նստած զույգը 36 դոլարի հաշիվը փակելուց հետո` իրեն 5 հազ դոլար թեյավճար է թողել, գրում է Foxnews-ը: Զույգի նման մեծահոգի քայլի պատճառն այն է, որ Ռուբարի մեքենան լուրջ վնասվել էր կայծակի պատճառով և այլևս ենթակա չէր օգտագործման: Զույգը, որը ցանկացել է անհայտ մնալ, 8 տարի շարունակ հաճախում է այդ ռեստորան և հաճախ սպասարկվում Ռուբարի կողմից:
tert.am «Այս անգամ ես պատարստվում եմ քեզ բավական շատ թեյավճար տալ: Վերցրու այն և քեզ համար կարգին մեքենա գնիր»,- ասել է հաճախորդը: Սկզբում մատուցողը հապաղել է գումարը վերցնելու հարցում` կարծելով, թե դա կատակ է: Այնուհետև նա վերցրել է հաճախորդի առաջարկած 5 հազ դոլարը և խոստացել առաջին իսկ հնարավորության դեպքում ետ վերադարձնել այն:
|