Հասմիկը Լոռու մարզի գյուղերից մեկի հասարակ ընտանիքից էր, ծնվել և մեծացել էր գյուղում, սակայն նրա ծնողները երազում էին, որ իրենց դուստրը բարձրագույն կրթություն ստանա: Այդ նպատակով Հասմիկը տեղափոխվեց Երևան: Բնակվում էր հոր մորաքրոջ տանը: Ծանոթանալով քաղաքային բարքերին` Հասմիկը սկսեց նոր կյանքն ավելի շատ սիրել, այլևս չէր ուզում գյուղ վերադառնալ: Նույնիսկ արձակուրդների ժամանակ նա գյուղ չէր գնում ծնողներին այցելության: Իսկ նրա ծնողները զօրուգիշեր աշխատում էին, որ կարողանան իրենց դստեր համար լավ կյանք ապահովել:

Ժամանակն անցնում էր, Հասմիկը դարձել էր իսկական գեղեցկուհի և երազում էր մի բանի մասին. ամուսնանալ հարուստ տղամարդու հետ և մնալ քաղաքում:

Այդպես էլ եղավ` Հասմիկն ամուսնացավ իրենից 15 տարի մեծ տղամարդու հետ: Վերջինս երբեք ամուսնացած չէր եղել, միշտ երազել էլ ամուսնանալ հայկական ավանդական ընտանիքի աղջկա հետ, ով պետք է լինի մաքուր և անմեղ: Նրա պատկերացմամբ, այն ,ինչ ամբողջ կյանքում ինքը փնտրել էր, արդեն գտել էր: Ամուսնության առաջին մի քանի տարիները նրանք շատ երջանիկ էին, մեծացնում էին իրենց երկու որդիներին:

Այս ընտանիքում ամեն ինչ հիանալի էր թվում, բայց սա միայն օտար աչքերով: Ներքուստ ամեն ինչ այլ էր` տարիքային տարբերությունը նրանց խանգարում էր: Հասմիկը լինելով երիտասարդ և գեղեցիկ արտաքինով կին` միշտ աչքի էր ընկնում: Եվ աստիճանաբար նրանց միջև ստեղծված սառնությունը բերեց նրան, որ Հասմիկը սկսեց դավաճանել ամուսնուն: Կնոջ անտարբերությունից և սառնությունից հոգնած Սարգիսը սկսեց կասկածել կնոջը և մի օր էլ աշխատանքային ժամին կնոջը հանկարծակիի բերելու համար որոշեց գնալ տուն:

Տուն մտնելուն պես նա ձայներ լսեց, գնալով դեպի ննջասենյակ` նա բռնացրեց կնոջը իրենից ավելի երիտասարդ տղամարդու հետ: Կիսամերկ տղամարդը տեսնելով սիրուհու ամուսնուն` հազիվ հասցրեց փախչել, իսկ ինքնասիրությունը ոտնահարված տղամարդը սպանեց կնոջը: Ով մինչև շտապօգնության աշխատակիցների դեպքի վայր հասնելը մահացավ, իսկ Սարգիսը ձերբակալվեց:

Հ.Գ. Այս դեպքը գրված է իրական պատմության հիման վրա, դեպքը տեղի է ունեցել տարիների առաջ: Հերոսների անունները փոխված են: Սարգիսը կրել է իր պատիժը և այժմ գտնվում է ազատության մեջ և միայնակ զբաղվում է որդիների դաստիրակությամբ: