Այսօր տեղի է ունեցել ՀՀ կառավարության հերթական նիստը, որը վարել է ՀՀ փոխվարչապետ, տարածքային կառավարման նախարար Արմեն Գևորգյանը։ Ինչպես արդեն տեղեկացրել էինք` նիստի օրակարգում ընդգրկված էր նաև ՀՀ ընտանեկան օրենuգրքում փոփոխություն կատարելու մասին օրինագիծը, որին գործադիրը հավանություն է տվել: Օրենքի մեջ կատարվող փոփոխության անհրաժեշտությունը պայմանավորված է տղամարդկանց և կանանց միջև գենդերային հավասարությունն ապահովելու պահանջով. եթե ներկայում ընտանեկան օրենսգրքով ամուսնության կնքման համար տարիքային չափանիշ է սահմանված` կանանց համար` տասնյոթ, իսկ տղամարդկանց համար` տասնութ տարեկան տարիքի հասնելը, ապա առաջարկվող նախագծով և՛ կանանց, և՛ տղամարդկանց համար սահմանվում է միևնույն` մինչև տասնութ տարեկան ամուսնական տարիքը։
Վերը նշված օրենքների նախագծերը սահմանված կարգով կներկայացվեն ՀՀ Ազգային ժողով։

Թեմայի վերաբերյալ հոգեբանի կարծիքը ևս լսելու համար ՄԱՄՈՒԼ.amլրատվականի թղթակիցը զրուցել է ''ԱՅԳ'' հոգեբանական ծառայությունների կենտրոնի խորհրդի նախագահ Վարուժան Մելքոնյանի հետ: ‘''Այնպես չէ, որ փոփոխությունը մեծ է ու կարող է լուրջ հոգեբանական ազդեցություններ ունենալ, նույն խմբի մասին է խոսքը. պարզապես աղջիկների դեպքում 17-ը դարձրել են 18` հավասարեցրել տղաներին: Ամուսնության համար կարևորը ոչ թե տարիքն է, այլ ընտանիք կազմելուն պատրաստ լինելը: Օրինակ, ունենք դեպքեր, երբ 13 տարեկանում է աղջիկն ամուսնացել և հրաշալի ընտանիք ունի: Նկատի ունեմ` երիտասարդները հոգեբանական թեստավորում պետք է անցնեն` արդյոք պատրաստ են ամուսնության, թե՞` ոչ: Չպետք է առաջնորդվել միայն սահմանված տարիքով'',- նկատել է նա:

mamul.am